Tɔɔɓɛlaa dɔlɔɔ 20:15 - Yálá laawoo hɛɓɛ (dc)

¹⁵ Akabə ə daa kulááɠaa kəlee ɲąąkpɔn, di kɛ a nu nwun veelɛ ɲee haaɓa kɔ́w hveelɛ. Yili pulu, ə Israɛlə nuą kəlee hee kpəlin na kɛ di ɓo a hinąą waa mɛ̨ihveelɛ.

Yálá laawoo hɛɓɛ

¹⁵ Akabə ə daa kulááɠaa kəlee ɲąąkpɔn, di kɛ a nu nwun veelɛ ɲee haaɓa kɔ́w hveelɛ. Yili pulu, ə Israɛlə nuą kəlee hee kpəlin na kɛ di ɓo a hinąą waa mɛ̨ihveelɛ.

Bible

¹⁵ Nya ƃe Eɣa è ǹɔii-kpîniŋ-ŋai su kɔ-kuluƃa-ŋai láa túɛ-ƃelai ŋáa kpɔ̀ŋ díkîe ma. Dí kɛ̀ a kpakolo ŋuŋ feerɛ pôlu buu saaƃa káo feerɛ. È Eezuɛ-ƃelai kpéli-ŋai kélee tòli kwaa tɔnɔ ma. Dí kɛ̀ a núu wála lɔ́ɔlu mɛi feerɛ.

Tɔɔɓɛlaa dɔlɔɔ 20:15 ပူးပေါင်းရင်းမြစ်များ

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Tɔɔɓɛlaa dɔlɔɔ 20:14

Akabə yɛ mą: «Gbɛɛ haalai ɓə ə́ kaa pai di tooi la yéé ŋą?» Yálá kwəi mɛ̨nį hukulɔ mun yɛ mą: «Yai-Laa yɛ: Daa kulááɠaa haalai ɓə.» Akabə yɛ mą: «Gbɛɛ ɓə pai tɔɔi di ɲɛ̨itɔwɔ diɛ li gɔ́ ɓa?» Yili yɛ mą: «Yɛ́ ɓə!»

Tɔɔɓɛlaa dɔlɔɔ 20:16

Di kulɔ a hvóló paa nwun ma lɔwai, Bɛn-Hadadə da nwɔ nuąi di ɓo ɉəɠə kələɠaa mu, diɛ pilɛ lɔɔ hu; da dɔɔɓɛlaa pow haaɓa kɔ́w hveelɛi tii kɛ bɔi.

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Mąątɛ̨nɛ̨ 33:16

Kɔlaɠa kɛnɛ̨ hvəi a tɔɔmun nwun gulɔ mɛ̨nįi, huwalawalalaa kɛnɛ̨ hvəi a kuláá kulɔ mɛ̨nįi.

Nwun mąąɓo 7:16

Zedeɔn ə nwɔ nu nwun-ɉaaɓai tii ɲąąkwɛlɛ ɉu haaɓa, ə túlú tɛɛ nu kəlee pɔ; ə bɛlɛ múlúún bɛlɛɛɠaa diɛ, da kpalan.

Nwun mąąɓo 7:7

Yai-Laa yɛ Zedeɔn ɓa: «Nu nwun-ɉaaɓa ŋɛ̨i ɲá pili di la a di yee, di pɔ pələ ɓə gaa Israɛlə nwun mąąɓoi la Madian nuą yəi. Yii ɓaa nuą yiiɠai tii, di pənə də li di pɔ taai.»

Samuɛlə dɔlɔɔ 14:2

Saulə ə kɛ heeni Givea ɲɛ̨n ɉu, wulu kɛnɛ̨ ta mu, Migrɔn daai, nu nwun mɛ̨ida ɲɔ̨nwɔ̨mąn mə kɛ bɔ.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»