Tɔɔɓɛlaa dɔlɔɔ 20:1 - Yálá laawoo hɛɓɛ (dc)

¹ Aramə tɔɔmun Bɛn-Hadadə ə nwɔ kɔ́kulááɠaai kəlee ɲąąkpɔn, da tɔɔɓɛlaa pow haaɓa kɔ́w hveelɛ, da nwɔ kɔ́ hooɠaa, da gɔ́ kɔ́ wotoloɠaa. Ə li ə Samari mąątínɛ̨n a kɔlaɠa.

Yálá laawoo hɛɓɛ

¹ Aramə tɔɔmun Bɛn-Hadadə ə nwɔ kɔ́kulááɠaai kəlee ɲąąkpɔn, da tɔɔɓɛlaa pow haaɓa kɔ́w hveelɛ, da nwɔ kɔ́ hooɠaa, da gɔ́ kɔ́ wotoloɠaa. Ə li ə Samari mąątínɛ̨n a kɔlaɠa.

Bible

¹ Siria kaloŋ Bɛŋ-Ada è ŋɔkɔ-kuluƃa-ŋai kɛ̀ dí díkpîŋ kpɛ̀tɛ kɔ́ kɔ́ mɛni ma. Kâloŋ buu saaƃa káo feerɛ dí kpɔŋ mâaa tɛ̀ɛ bɔ́ a dísoo-ŋai da díkɔ kɔ́-keleŋ-ŋai. È lì é kɔ́ pɛ́lɛ Sameria ma é naa maa tínaŋ.

Tɔɔɓɛlaa dɔlɔɔ 20:1 ပူးပေါင်းရင်းမြစ်များ

Tɔɔɓɛlaa dɔlɔɔ 15:18

Wali da hɛni yii lɛɛ Yai-Laa nwɔ hɛn gɔw laikɛi, da yii kɛ tɔɔmun yəi ɉɛn gɔw kəhi hu ɲəi bɛlɛ́n, Asa ə gəlee həɠə ə dɛɛ nwɔ tínuą pɔ, ə gɛ, di li la Bɛn-Hadadə pɔ, yai a Aramə tɔɔmun, ə ɓo a Hɛziɔn lon Tavrimɔn lon; ə kə heeni Damasə. Ə mo yili ɓa, yɛ mą:

Tɔɔɓɛlaa dɔlɔɔ 15:20

Tɔɔmun Asa woo tii ə nɛ̨ɛ̨ Bɛn-Hadadə ɓa. Ə nɛɛ mą, ə nwɔ kɔ́kulááɠaa tɔɔ, di kɔ́ pɛlɛ Israɛlə taaɠaa diɛ, di Iyɔn, Dan, Avɛlə-Bɛtə-Maaka kɛlɛ, da Kinerotə taa kəlee, da ɓɛi kpɔ kɔ́ kɔ́ kwɛli hɛn ə kɛ laa Nɛftali.

Tɔɔɓɛlaa dɔlɔɔ 16:24

Yili pulu, ə Samari yee ya Sɛmɛrə yəi a wali kwələ waa mɛ̨ida. Ə ɲee mąątinɛ̨n a hįi, ɛlɛɛ, daai ə dɔɔ, ə naa hee a Samari, a ɲeei tii nąmu Sɛmɛrə laa.

Tɔɔɓɛlaa dɔlɔɔ 20:16

Di kulɔ a hvóló paa nwun ma lɔwai, Bɛn-Hadadə da nwɔ nuąi di ɓo ɉəɠə kələɠaa mu, diɛ pilɛ lɔɔ hu; da dɔɔɓɛlaa pow haaɓa kɔ́w hveelɛi tii kɛ bɔi.

Tɔɔɓɛlaa dɔlɔɔ 20:2

Ə kɛla tɔɔ Israɛlə tɔɔmun Akabə pɔ, yɛ mą:

Tɔɔɓɛlaa dɔlɔɔ 20:24

Yii kani mąąnɛ̨ɛ̨ ə́ gɛ, ya ka: Dɔɔɓɛlaa yee kulɔ, ə́ di mąąhvalin a lɔi ɲɛ̨itɔwɔ nuą.

Tɔɔɓɛlaa dɔlɔɔ 22:31

Yaan, Aramə tɔɔmun nwɔ kɔ́kuláá pow haaɓa kɔ́w hveelɛi ŋɛ̨i kɛ nwotoloɠaa hu, ə mo diɛ yɛ diɛ; Lii ka káá moi, ka mo gɔ́kuláá pɛlɛɛɠaa diɛ, ə mą kɛ gbɛa kpɛa. Ka wolo lɔ Israɛlə tɔɔmun ma.

Tɔɔɓɛlaa veelɛ 6:8

Kɔ ə kɛ Aramə tɔɔmun da Israɛlə di lɔwai, ɓɛlɔwai Aramə tɔɔmun da nwɔ kɔ́kulááɠaa da di nwɔ nwun dɔɔi kɛ la, diɛ kɛ mą: «Ka gwə li gu gɔ́laɠa pɛlɛ ɓɛ yii!»

Tɔɔɓɛlaa veelɛ 8:5

Nąąlɔwai, lokolo ta nwún mɛ̨nį ɓə Gehazi ə kɛi ɉukulɔ, tɔɔmun ma, yai Elise ə nwun. Nɛ̨ɛ̨nui tii Elise ə non nwún, ə kɛ kpɔlɔɔ tii yɛ lɔ tɔɔmun ɲəi bɛlɛ́n, əgɛ, ə nwɔ pɛ́lɛ́i da nąą mįi lɔi mąą mɛ̨nį ɓo tɔɔmun ma. Nąąlɔwai, Gehazi yɛ tɔɔmun mą: «Nɛ̨ɛ̨nui ŋą́ kɛi mąą mɛ̨nį hukulɔ, ya ka, ɛlɛɛ, non tii di nwun ya ka ŋɛ̨i bɔ.»

Ɛsdrasə 7:12

«Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Lɛɛ gbɔwɔ ɓa 14:7

Ə kɔ́ kɔ́ wotolo nwun mɛ̨ida həɠə, da Eziptə wotolo kəlee; gəlee tɛitɛi, kuláá yɛlɛɛ haaɓa haaɓa di ɓo ɉu.

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Ɉeremi 49:27

Gáá nwɔ̨n dooi Damasə mąąkpɛɛ hįi hu, yɛ Bɛn-Hadadə nwɔ tɔɔ pɛlɛ́ɠaai kələn.

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Amɔsə 1:4

Gáá pai nwɔ̨n dooi Hazaɛlə yəi bɛlɛ́n Hazaɛlə nwɔ pɛlɛ́ kpɛa-kpɛai Bɛn-Hadadə kaa mąąkpɛi, gəlee diɛ kələn.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 28:52

Di kaa pai heei ka wɔ taaɠaa kəlee ɓa a kɔ́. Ə lɛɛ ɉu ka wɔ lɔi hu hįį kpoloon ɲee muhəɠɛɛ kwɛa-kwɛaɠaa di pu; a diɛi tii ka kɛi ka kilitɔɔ diɛ. Da hee ka tɔwɔ a kɔ́, ka wɔ taaɠaa kəlee hu; ka wɔ lɔi kəlee hu, ɓɛi ŋɛ̨i Yai-Laa ka wɔ Yálái kaa dɛɛi ka pɔi.

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Samuɛlə dɔlɔɔ 13:5

Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.