Tɔɔɓɛlaa dɔlɔɔ 2:7 - Yálá laawoo hɛɓɛ (dc)

⁷ Yii hvilɛn na Galaadə mun Barzilai ɓa, nwɛi, ɉon a wɛlikɛmąąlaa. Nuąi ka diɛni ka kɛ ka yee lɔi kɔ́wɔ tɔ̨nɔ̨ hu, naa too di pɔ. Mąąhɔlɔɓo, ɓɛlɔwai ŋį́ kɛi pu la ə́ liɛ Absalɔn tɔwɔ, diɛi tii ɓə pa bɔ́ a wɛlikɛmąąlaa.

Yálá laawoo hɛɓɛ

⁷ Yii hvilɛn na Galaadə mun Barzilai ɓa, nwɛi, ɉon a wɛlikɛmąąlaa. Nuąi ka diɛni ka kɛ ka yee lɔi kɔ́wɔ tɔ̨nɔ̨ hu, naa too di pɔ. Mąąhɔlɔɓo, ɓɛlɔwai ŋį́ kɛi pu la ə́ liɛ Absalɔn tɔwɔ, diɛi tii ɓə pa bɔ́ a wɛlikɛmąąlaa.

Bible

⁷ “Kɛ́lɛ é máŋ kɛ́ tí, ye Gilia-nuui Baazilai ǹônii-sinaai sóŋ a ǹɛ́lɛɛ. Ka dîa-ni ká kɛ́ kálaa miî gîe ma, kpɛ́ni fêi, bere ƃé dí tùa la a ńyãa tãi ŋá pù la ílîa Asalɔŋ yêei.

Tɔɔɓɛlaa dɔlɔɔ 2:7 ပူးပေါင်းရင်းမြစ်များ

Zɛnɛse 40:14

A pa ə́ təlii, 'ə́ kiliŋąhiɛ mą́ą́, ə́ mą́ą́ mɛ̨nį lɛlɛɛ hukulɔ tɔɔmun ma, ɓɛlɔwai ə́ kaa pai kɛi la ə́ nɛ̨ɛ̨ hu, ə gɛ, di gúlɔ gaho ŋą.

Samia Veerɛi 19:28

Ya ka tii, nwɔ́ kóló kɛ mun ə li lɛɛ kɛi tɔɔmun ma a náá. Kɛlaa, nwɔ́ mɛ̨nį nąmu tɔɔmun kaa yɛ Yálá nwɔ malaka, mɛ̨nįi lɔpee a nɛɛ yɛ́, gɛ.

Samia Veerɛi 9:10

Ə́ kaa pai kɛi tíi kɛi ma, yɛ́ ka ə́ lonnii, da ka wɔɔ luwɔɠaa; kaa pa a ɉɛnŋaa bɔ. Ə gɛ, ə́ wɔɔ mɛ̨nį nąmu lon ə kɔ̨nɔ̨n ɉɔlɔɓo yɛ mįi. Yii ɓaa ə́ wɔɔ mɛ̨nį Nąmu lon Mefibosɛtə nwɛi, kwa yaa ku kaa pai kɛi ku yee lɔi kɔ́wɔ tɔ̨nɔ̨ hu.» Siva lonnii di kɛ a hinąą pow kɔ́w lɔɔli, luwɔ pow hveelɛ ə ɓo ɲəi.

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Tɔɔɓɛlaa veelɛ 25:29

Ewilə-Merodakə ə Yoyakin nwɔ gaho həɠəɠaai kulɔ gwąną; da yaa diɛ kɔ̨nɔ̨n mįi gee ɓa a yələ kəlee.

Tɔɔɓɛlaa veelɛ 25:30

Bələ ɓə Yoyakin nwɔ hvóló tɛitɛi kɔ̨nɔ̨n ə kɛ la tɔɔmun Ewilə-Merodakə nwuɔ̨ hvóló kəlee ə lɛɛ la ɉu ə haa.

Ɛsdrasə 2:61

Ɉaláá laa həli nuą lonnii, Hovaya lonnii, Hakɔsə lonnii, Barzilai lonnii, diɛi Barzilai lon nɛ̨ɛ̨nu ta həɠə a di nɛ̨ą yai kɛ a Galaadə mun, di Barzilai laa hee kɛa diɛ.

Hanwon 27:10

'Hvó tee ə́ ɓɛlan bulu, ə mą kɛ ə́ nąn mɛlan. 'Hvó li ə kaayɔwɔ pɔɔli a ɲələi ya kpaan na. Heeyɔwɔlaa hviɛlaɓoɔi kaayɔwɔlaai mąą kwɛaa yɛ́, mą.

Ɉeremi 52:33

Ə Yoyakimə nwɔ luwɔ həɠəɠaa kəlee kulɔ gwąną. Yoyakimə da Babilonə tɔɔmun mə kɛi di yee lɔ kɔ́wɔ tɔ̨nɔ̨ hu, nwɔ yɛnɛ̨ɛ̨ kəlee yee mu.

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.