Tɔɔɓɛlaa dɔlɔɔ 2:4 - Yálá laawoo hɛɓɛ (dc)

⁴ Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Yálá laawoo hɛɓɛ

⁴ Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Bible

⁴ À kɛ̀ ƃà m̀ɛnii kɛ̂ a pâi m̀ôi yâi, Yâwɛɛ a pâi ŋɔkono-teei ŋaa-see kɛ̂i nyíi è gɛ̀ é pîlaŋ ḿâi, tãi è mò la a gɛ́ɛ ńzuu su nuai da pâi kɛ̂i a kâloŋ-ŋa Eezuɛ lɔii mɛi à kɛ̀ nɔ́ da ŋ̀óo mɛ̀ni dí láa la a dílii kélee da dímɔ̂leŋ kélee.

Tɔɔɓɛlaa dɔlɔɔ 2:4 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Samia Veerɛi 7:25

A kɛ tii kɛa Yai-Laa nwɔ́ Yálá, nwooi ə́ mo yɛ hvilɛn na ə́ wɔ tímun da nwɔ pɛlɛ́i diɛ, ə́ yee kɛ mą a yələ kəlee. Ə lɛɛ, gɛ́ yɛ bələi ə́ mo la.

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 3:14

Akɛ yii gáá bɔ yá gɛ, ə́ nwɔ́ tɔ́n da bɔ liɛwooɠaa hon, yɛ ə́ nąn Davidə, ŋą́ ə́ wɔ yɛnɛ̨ɛ̨ hu kwɛa.»

Tɔɔɓɛlaa dɔlɔɔ 3:3

Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Tɔɔɓɛlaa dɔlɔɔ 6:12

yɛ mą: «Yaa bɛlɛ́i ŋɛ̨i tɔɔ, tɛ̨ą li, kɛlaa, akɛ ya hiɛ yɛ bələi nwɔ́ tɔ́n gaa la, ə́ túwɔ́ yɛ bələi nwɔ́ kɛ pələ kaa la, ə́ gɛ yɛ bələi nwɔ́ liɛwooɠaa kaa la, nwóó ŋɛ̨i ŋą́ gwɛlɛ ə́ nąn Davidə ɓa ə́ mąą mɛ̨nį ɓa, ŋą́ gəlee pɔ mɛ̨nį kɛ yɛ́.

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Tɔɔɓɛlaa dɔlɔɔ 8:25

Yiihu kɛa, Yai-Laa Israɛlə nwɔ Yálá, nwooi ə mo ną́n Davidə ɓa, bɔ mɛ̨nį kɛ; yai ə́ kɛ la mą: ‹Ə́ huwu hvo pai teei Israɛlə dɔɔkpəlin ɉu, akɛ da hiɛ ɲɛ̨i ɓa, yɛ bələi ə́ hiɛ la ɲɛ̨i ɓa.›

Tɔɔɓɛlaa dɔlɔɔ 9:5

ŋą́ ə́ wɔ tɔɔ kpəlin laa hɔn mo a yələ kəlee Israɛlə nwun na; yɛ bələi ŋą́ mo la ə́ nąn Davidə ɓa, gɛ́ kɛ mą: ‹Nu kaa pai hɔlɔɓoi ə́ yəi bɛlɛ́n a yələ kəlee, yɛ hee Israɛlə nwɔ tɔɔ kpəlin hu.›

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 17:3

Yai-Laa ə kɛ Ɉosafatə pɔ, gbala ə tɔɔ, ə hvilɛn galá Davidə kpaalə mɛ̨i; hvo kɛ hvilɛn ni li Baalə haliɠaa pulu.

Kɔlɔnikɔ Veerɛi 6:16

Akɛ tii kani, Yai-Laa Israɛlə nwɔ Yálá! Nwooi ə́ mo ə́ wɔɔ tímun ną́n Davidə ɓa, yɛ kɛ mą: ‹Ə́ huwu hvo pai kpɛɛi nííla Israɛlə nwɔ tɔɔkpəlin mɛ̨i, akɛ ə́ lonnii daa kɛi di hiɛ pələ ɲɛ̨lɛkɛ, diɛ túwɔ́ a nwɔ́ɔ́ tɔ́n nwooi, yɛ bələi ə́ hiɛ la ɲɛ̨́i ɓa.›

Kɔlɔnikɔ Veerɛi 7:18

ŋį́ ə wɔɔ tɔɔkpəlin laa hɔn mo, yɛ bələi ŋį́ naakwɛlanmo la ə́ nąn Davidə ɓa, gɛ́ kɛ mą: ‹Ə́ kwəi lonnii di hvo pai kpɛɛi Israɛlə dɔɔkpəlin ɉu, a yələ kəlee mɛ̨nį.›

Mąątɛ̨nɛ̨ 119:9

Nui nwųnų kɔ́lɔi, a ɉiɛ pələ yɛlɛ kɛ pələ kɛ ləi? Hvo kɛli ə́ woo hon.

Mąątɛ̨nɛ̨ 37:22

A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.

Mąątɛ̨nɛ̨ 37:9

Mąąhɔlɔɓo, di kaa pai mɛ̨nį ɲɔ̨n gɛ nuą kulɔi a di nwun, Kɛlaa nuąi di kilitɔɔ Yai-Laa ɓa, nɔi kaa pai lɛɛi a di wɔɔ.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Ɉeremi 33:17

Yai-Laa woo ka, yɛ diɛ: «Davidə huwu hu, nu hvo pai kpɛɛi laa yɛ hee Israɛlə nwɔ pɛlɛ́i dɔɔ kpəlin ɉu.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Maafîu 22:37

Jesus yɛ mą: «‹Mąąnɛ̨ɛ̨ ə́ Ną́mu Yálá wɛli la kɛ a ə́ lii kəlee da ə́ kpinį kəlee ɛlɛɛ, da ə́ wɔ kiliŋąhiɛ kəlee.›

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Dutɛrɔnome 7:12

Ɛlɛɛ, ka ka wəli tɔɔ nɔi hu yíi ɓo pələɠaa tii diɛ; ka di pɔ yíi ɓo, ka yee kanąnŋąą mą; mįnɛ̨i Yai-Laa ka wɔ Yálái da ka nąnni di ɉəɠə, a bɔ mɛ̨nį kɛ kaa, yɛ ka wɛlilakɛ.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,