Tɔɔɓɛlaa dɔlɔɔ 2:33 - Yálá laawoo hɛɓɛ (dc)

³³ Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Yálá laawoo hɛɓɛ

³³ Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Bible

³³ M̀ɛni ma, tɔɔ díŋãa maa mɛni é kɛ́ Zoa ŋûa da ŋɔnuu-suui wɔ́lɔ-wɔlɔ. Tɔɔ Yâwɛɛ é lii-see tɛɛ Deeƃé pɔ́ da ŋɔnúu-suui kélee da ŋɔkâloŋ-laai wɔ́lɔ-wɔlɔ da wɔ́lɔ-wɔlɔ.”

Tɔɔɓɛlaa dɔlɔɔ 2:33 ပူးပေါင်းရင်းမြစ်များ

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Samia Veerɛi 14:9

Tekoa nɛ̨ɛ̨nui tii, yɛ tɔɔmun ma: «Nąą wulu a lɛɛ kwa ną́n ɲəi bɛlɛ́n nuą ku nwuɔ̨, nwɔ́ mɛ̨nį nąmu tɔɔmun da nwɔ tɔɔ kpəlin di hɔn va lɛɛ ɉu.»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Kɔlɔnikɔ Maa-ŋuŋ 17:27

Yili ɓa, Yai-Laa, lúwɔ́ too Ə́ wɔ tímun nwɔ pɛlɛ́i ɓa, Ə́i ɲɛ̨i lɛlɛɛ hee mą a yələ kəlee. Hvó gaai, Ə́ wɛi, Yá lúwɔ́ too, ɛlɛɛ, Yɛ́ ɓə a lúwɔ́i, kpɛla bələi hvó mą!»

Mąątɛ̨nɛ̨ 101:8

Yələ wala pɔ tɛi tɛi, nuąi da mɛ̨nį ɲɔ̨n gɛ nɔi hu, gáá pai di laa kpului, gɛ́ mɛ̨nį ɲɔ̨n gɛ nuą kəlee kulɔ Yai-Laa nwɔ taai kwəi.

Mąątɛ̨nɛ̨ 132:12

Ə́ lonnii da nwɔ́ mįnɛ̨i pɔ yíi ɓo, da dɔn nwooɠaai gáá pai nɛi diɛ, di lonnii kpɛli mąn, di kaa pai heei ə́ wɔ tɔɔkpəlin mɛ̨i ɲɛ̨n deei hvo mą.»

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Mąątɛ̨nɛ̨ 89:29

Nwóói ŋį́ gwɛlɛ mą, ŋą́ bɔ mɛ̨nį kɛ a yələ kəlee, nwɔ́ mɛ̨inɛ̨ɛ̨ ə ɓo mɛ̨i a yələ kəlee.

Hanwon 25:5

Nwąnąlɔmun ɉəɠə tɔɔmun gwɛlɛ, nwɔ tɔɔlaai a hvilɛn gbilin tələnmo pələ mɛ̨i.

Izikiɛ 17:19

Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Maafîu 27:25

Nu kpului tii kəlee diɛ mą: «Ɲąmą wulu a lɛɛ ku nwuɔ̨ kwa ku lonnii.»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Nwun mąąɓo 9:24

Mɛ̨nį ɲɔ̨n ŋɛ̨i ə naa Yerubbalə lonnii pow mɛ̨ihvelɛi ɓa, mąą mɛ̨nį ɓa, di gɛ tii, ə gɛ, Abimelɛkə gaayɔwɔɠaai ŋɛ̨i ə di paa, di ɲąmą wulu ə lɛɛ nwuɔ̨; da Sisɛmə kalanɉonŋaai kpɔmąą tɛɛ bɔ, yɛ gaayɔwɔɠaa paa.