Tɔɔɓɛlaa dɔlɔɔ 2:32 - Yálá laawoo hɛɓɛ (dc)

³² Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Yálá laawoo hɛɓɛ

³² Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Bible

³² Yâwɛɛ a pâi Zoa kula-maa kɛ̂i zɔnyɔ̂ŋ mɛni ma è gɛ̀ a ǹûai tí paa, nyíi è gɛ̀ ńâŋ Deeƃé tɛ̂i-perei. Zoa è zinaa feerɛi ŋí pàa kpɛ́ni-kpɛni nyii-ŋai kɛ̀ a ǹûa sãa, dísɔŋ lɛ́lɛɛ é tɛ́ɛ ma, Nɛ̂ɛ ǹóŋ Ana, nyíi kɛ̀ a Eezuɛ kɔ-kûluƃa-ŋai túɛ-nuui da Zɛtɛ ǹóŋ Amasa nyíi kɛ̀ a Zuda kɔ-kuluƃa-ŋai túɛ-nuui.

Tɔɔɓɛlaa dɔlɔɔ 2:32 ပူးပေါင်းရင်းမြစ်များ

Zɛnɛse 4:11

Ə həɠə kɛa yiihu ɓa, nɔi ŋɛ̨i ə́ ə́ ləɠə ɲąmą pu mą, gaa ə́ nɛ̨ŋɛ̨n naai.

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Samia Veerɛi 17:25

Absalɔn ə Amasa kɛ a nwɔ kɔlaɠa nwun nąmu, a Ɉoabə mąąhvalin. Amasa nąn naa ɓaa kɛ a Yitra, Israɛlə mun da li kɛ. Yitra ə hvilɛn Avigalə pulu, yai kɛ a Nahasə lon Nɛ̨ɛ̨nu, Ɉoabə nee Seruya nəɠə Nɛ̨ɛ̨nu.

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Samia Veerɛi 3:37

Nɔi lonnii kəlee da Israɛlə nu kəlee di gaa kpɔ a mąą yələ, diɛ kɛ, Nɛrə lon Avnɛrə paa mɛ̨nį hvo kɛ a tɔɔmun gɛ mɛ̨nį.

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.

Tɔɔɓɛlaa dɔlɔɔ 2:5

Yili pulu, Davidə yɛ nwɔ̨nɔ̨ non ma: «Yili a həɠə laa, mɛ̨nįi Seruya lon Ɉoabə ə gɛ a ɲą́ą́, gbaɠala kaa yɛ́. Mɛ̨nįi ŋɛ̨i ə naa Israɛlə kɔlaɠa nwun nąmįną hveelɛi ɓa, diɛ ɓa a: Nɛrə lon Avnɛrə, da Yɛtɛrə lon Amasa. Ɉoabə ə di paa a liilaa yələ, ɓɛlɔwai hvo kɛ la a kɔ́ yələ. Ɲąmąi tii ə bu, nwulu kaa nwuɔ̨.

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Kɔlɔnikɔ Veerɛi 21:13

Kɛlaa, ə́ hiɛ yɛ bələi Israɛlə tɔɔɓɛlaa di hiɛ la; yáá li yáá wɛli mɛ̨nį lɔ Ɉuda nuą da Ɉerusalɛmə nuą yee pɔ, yɛ bələi Akabə yəi bɛlɛ́n nuą di túwɔ́ la; ə laa yili mɛ̨i, yáá nwɔ̨nɔ̨, ə́ nąn nonnii kɛ di hviɛlaɓoɔ di tɛɛ yɛ́, yáá di paa, a ə́ nąn nwɔ pɛlɛ́i;

Kɔlɔnikɔ Veerɛi 21:14

Mɛ̨nįi Yai-Laa kaa pai naai yɛ́, ya ka: Gaa pai hvaɠa pilii ə́ nwɔɔ nuąi hu, ə́ lonnii hu, ə́ nɛ̨ąni hu, da ə́ yəi hɛnŋąą kəlee hu.

Mąątɛ̨nɛ̨ 7:16

Nui a lɔwa tee yɛ gbon ɉu kwɛa, mąą nu kaa pai tooi gbɔwɔ lɔwai tii hu.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Izikiɛ 17:19

Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Nwun mąąɓo 9:24

Mɛ̨nį ɲɔ̨n ŋɛ̨i ə naa Yerubbalə lonnii pow mɛ̨ihvelɛi ɓa, mąą mɛ̨nį ɓa, di gɛ tii, ə gɛ, Abimelɛkə gaayɔwɔɠaai ŋɛ̨i ə di paa, di ɲąmą wulu ə lɛɛ nwuɔ̨; da Sisɛmə kalanɉonŋaai kpɔmąą tɛɛ bɔ, yɛ gaayɔwɔɠaa paa.

Nwun mąąɓo 9:57

Ɛlɛɛ, Yálá ə Sisɛmə nuą di wɔ túwɔ́ pələ ɲɔ̨n gwələ kulɔ diɛ. Yerubaalə lon Yotamə nwɔ nɛ̨ŋɛ̨n naai tii ə gɛ, pələ ɓə naa ə hon na.

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.