Tɔɔɓɛlaa dɔlɔɔ 2:1 - Yálá laawoo hɛɓɛ (dc)

¹ Ɓɛlɔwai Davidə haai lɔwai ə kɛi kɛa lɛɠɛ la, ə vɛli non Salomɔn ɓa, yɛ mą:

Yálá laawoo hɛɓɛ

¹ Ɓɛlɔwai Davidə haai lɔwai ə kɛi kɛa lɛɠɛ la, ə vɛli non Salomɔn ɓa, yɛ mą:

Bible

¹ Deeƃé saa tãi kɛ́ɛ a lɛɣɛi, è ǹóŋ Saloma lia-woo ƃò ǹyɛɛ m̀ai,

Tɔɔɓɛlaa dɔlɔɔ 2:1 ပူးပေါင်းရင်းမြစ်များ

Zɛnɛse 47:29

Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Tɔɔɓɛlaa dɔlɔɔ 1:53

Tɔɔmun Salomɔn ə mo nuą diɛ, də li di mo mą, ə həɠə ɉaláá kulɔi. Adoniasə ə pa, ə pɛlɛ tɔɔmun Salomɔn kɔ́wɔ mu; Salomɔn yɛ mą: «Yá pɛli ə li ə́ pɔɔli.»

Kɔlɔnikɔ Maa-ŋuŋ 22:6

Davidə ə non Salomɔn təli, ə Yai-Laa Israɛlə nwɔ Yálái nwɔ pɛlɛ́i tɔɔ mɛ̨nį gbɔw laa nwuɔ̨.

Lonon mo 27:19

ə́ nɛ ɉaláá laa həli mun Eleazarə ɓa, da nu kpulu kəlee, ə́ dɔɔ gɛ kóló ɓa di ɲɛ̨i ɓa;

Dutɛrɔnome 3:28

Ə́ kwəi mɛ̨nįɠaa ɓo Ɉosue ɓa. Váŋąlɔ, ə́ niikpələ, mąąhɔlɔɓo, yaa tii ɓə pai kɛi nu kpulu nwun na diɛ Ɉurdɛn teen. Nɔi ŋɛ̨i ə́ kaa gaai, ɉu ɓə di kaa lɔi laa.»

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Timote veelɛ 4:6

Yii ɲą́ą́ nwɛ́i, daa náákwɛlanmo a haláá hɛn, ɛlɛɛ, ní yələ aa həli.