Tɔɔɓɛlaa dɔlɔɔ 19:19 - Yálá laawoo hɛɓɛ (dc)

¹⁹ Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.

Yálá laawoo hɛɓɛ

¹⁹ Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.

Bible

¹⁹ Ilaiza è kùla naa é lí é Safa ǹóŋ Ilaisa káa. È kɛ̀ ŋɔsí-sãai sîi wɔ̂rɔi a niŋa sîrɛ kpulu puu káo feerɛ. Ǹyaa kpîŋ è kɛ̀ tíi kɛ̂i a gbulu buu káo feerɛ ɣelei. Ilaiza è lì bɔ́ é ŋɔyokpoi tóo Ilaisa kɔŋ ma é kpíniŋ la.

Tɔɔɓɛlaa dɔlɔɔ 19:19 ပူးပေါင်းရင်းမြစ်များ

Tɔɔɓɛlaa dɔlɔɔ 19:13

yii lɔ Eli ə vaŋą hvɛlɛ tɛ-tɛi tii tɛɛ mɛ̨nį kili kɔ́lɔn, ə nwɔ biliɉui pɛlɛ ɲɛ̨i, ə kulɔ ə tɔɔ gwɛni wolo laaləi. Woo ta ə həli Eli ɓa, yɛ mą: «Eli, lə ɓə ə́ kaa gɛi ɓɛ?»

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa veelɛ 2:8

Nąąlɔwai, Eli ə nwɔ biliɉui kulɔ gbaŋəi, ə gbinįn gɛ, ə ɲá kɛlɛ la; ɲá ə tee di tɔwɔ, di tɛɛ di nu hveelɛi di kɔ́wɔ mąą kpalaa.

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Amɔsə 7:15

Kɛlaa, nwɔ́ taatɛlɛɛɠaa pulu ɓə ŋį́ lɛɛ laa, Yai-Laa yɛ də́li, də́lii tii ə mo, yɛ mą́ą́: ‹'Li! Ə́ mą́ą́ mɛ̨nį hu kulɔ nwɔ́ nuą ŋɛ̨i a Israɛlə nu huwu diɛ.›

Zakari 13:5

Di kaa pai kɛi di hɛai mą, diɛ kɛ mą: «Yálá kwəi mɛ̨nį hukulɔ mun vaa a ɲą́ą́, tíi kɛmun maa a ɲą́ą́. Tíi kɛ lɔi kaa ɲə́i, ə həɠə muhəɠə yələ ɓa.»

Hebreu 11:37

diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Nwun mąąɓo 6:11

Yai-Laa nwɔ malaka ə pa, Ofra daai, ə hee wulu kɛnɛ̨ ta mu, yai kɛ a Yoasə nwɔɔ. Yoasə ə kɛ a Aviɛzɛrə yəi bɛlɛ́n mun da. Yoasə lon Zedeɔn, ə kɛi nwɔ mɔ̨nun dan, ɓɛi ŋɛ̨i da viɲə yá kulɔ laa, ə gɛ, Madian nuą di hvo pa gaa.

Samuɛlə dɔlɔɔ 11:5

Nąąlɔwai kpɔlɔɔ ɓə Saulə ə kɛi həɠə la ɲəi ɲɛa, ə ɓo nwɔ nįŋɛ̨ɠaa pulu. Saulə yɛ diɛ: «Lə ɓə kɛ nuą diɛ, yaai di kaa wɔlɔi?» Di Yavɛsə nuą woo hu kulɔ ma,

Samuɛlə dɔlɔɔ 28:14

Saulə yɛ mą: «Gɛ pələ kaa ləi?» Nɛ̨ɛ̨nui yɛ tii yɛ mą: «Gaa a hulɔgolo, biliɉu ɓə biliɛ galan ɉu.» Saulə ə gbaɠala kaa, yɛ kɛ diɛ Samuɛlə li. Ə nwun vilɛn, ə pɛlɛ nɔi ɓa.