Tɔɔɓɛlaa dɔlɔɔ 19:17 - Yálá laawoo hɛɓɛ (dc)

¹⁷ Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Yálá laawoo hɛɓɛ

¹⁷ Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Bible

¹⁷ Ǹúui nyíi kélee pâi pûi Azae ŋɔƃóa-sɔkpɔi yêei, Zewu a pâi baâi, nyíi kélee pâi pûi Zewu ŋɔƃóa-sɔkpɔi yêei, Ilaisa a pâi baâi.

Tɔɔɓɛlaa dɔlɔɔ 19:17 ပူးပေါင်းရင်းမြစ်များ

Tɔɔɓɛlaa veelɛ 10:32

Nąąlɔwai tii hu, Yai-Laa ə Israɛlə lɔi ta tee mą. Hazaɛlə ə di hon a kɔ́ Israɛlə lɔi ɲɛ̨n gəlee hu.

Tɔɔɓɛlaa veelɛ 12:17

Nu pɔɔɲą pɛli waliɠaa, da nɛ̨ŋɛ̨n ɉaláá kulɔ waliɠaa, di hvo kɛi lɔ Yai-Laa nwɔ pɛ́lɛ́i pɛli mɛ̨nį hu; ɉaláá laa həli nuą di wɔɔ li kɛ.

Tɔɔɓɛlaa veelɛ 13:22

Aramə tɔɔmun Hazaɛlə ə hee Israɛlə nuą mɛ̨i Yoakazə nwɔ yɛnɛ̨ɛ̨ kəlee hu.

Tɔɔɓɛlaa veelɛ 13:3

Yai-Laa lii ə holi Israɛlə nuą pɔ, ə di lɔ Aramə tɔɔmun Hazaɛlə yee mu a yələ kəlee, ə mą kɛ Hazaɛlə lon Bɛn-Hadadə yee mu.

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Tɔɔɓɛlaa veelɛ 8:8

Tɔɔmun Bɛn-Hadadə yɛ Hazaɛlə ɓa: «Yálá kɔ́ hɛnŋąą həɠə, ə́ li, ə́ həli la Yálá nwɔ nui ɓa, ə́ Yai-Laa mąąni kɛ yaa tii bɔ pələ, yɛ́ mą: ‹Gáá pai ɓaloi?›»

Tɔɔɓɛlaa veelɛ 9:14

Ɉosafatə lon Ɉehu, yai kɛ a Nimsi mąnįn, ə lɔ Yoramə mąą kilii. Ɓɛlɔwai yili da Israɛlə nuą di kɛi Ramotə Galaadə mąąkpɛ la, Aramə tɔɔmun Hazaɛlə tɔwɔ.

Tɔɔɓɛlaa veelɛ 9:2

Yá li, gɛ pələ kwɛli mą ə́ həli Ɉehu ɓa, yai a Ɉosafatə lon, yai tii a Nimsi mąnįn. Yá həli mą, ə́ dəli, ə́ gulɔ nąn nonnii lɔwai ka yáá ka li pɛlɛ́ lon da mu ka tɔ̨nɔ̨ kɛɛ nąą.

Tɔɔɓɛlaa veelɛ 9:20

Daa mąąkpɛmun yɛ tɔɔmun mą: «Nu yili aa hɛli kpɔ diɛ, kɛlaa, hvo pənəi hvo pa. Ɉiɛ kɛ pələi tii kaa yɛ Nimsi lon Ɉehu nwɔ hiɛ kulɔ pələ. Mąąhɔlɔɓo, gaa gilɛ həɠəi a ɓowo pələ.»

Tɔɔɓɛlaa veelɛ 9:24

Ɉehu ə nwɔ kilɛn ɉəɠə, ə Yoramə ɓon na monwon nɔwai, mɛ̨ɛ̨kɔw ə ɓɔ Yoramə hu, ə ɓo níi hu. Yoramə ə too a bowa nwɔ wotoloi hu.

Tɔɔɓɛlaa veelɛ 9:25

Nąąlɔwai, Ɉehu yɛ nwɔ ɓíitiɛ̨i Bidkarə ɓa: «'Bowa kulɔ nwotolo hu ə́ bili Izreɛlə mun Nabɔtə nwɔ tíi hu.» Ɉehu yɛ nwɔ̨nɔ̨ mą: «Ə́ kiliŋąhiɛ tai, yələ ta, gu kɛ gu kee ɓa, ɲą́ą́ gwa yɛ́ nwotolo hu, gu ɓo Yoramə nąn Akabə yee mu, Yai-Laa ə mɛ̨nį ta ɓo yɛ hvilɛn na Akabə nwɔ pɛ́lɛ́i ɓa.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Amɔsə 2:14

Ə mą kɛ nui gɔwɔ mąą hulaa gilɛ həɠəi, hvo pai pɛlii mąą kilɛi. Nui kpɛli ɉu walawala, hva pɛli nwɔ huwalawala lɛi, ə ma kpɛli kɛ kɔ́kuláá walawala ɓə, nwun mąą hvo pai ɓoi.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

M̀ɛni-lɛɛi 19:21

Gbəliɠaai lɛɛ, niikpakpai tii kɛli kulɔ ɉoo mɛ̨imun na, ə di nwun na pili, nwɛ̨nįɠaa di pilɛ di powa hu.