Tɔɔɓɛlaa dɔlɔɔ 18:4 - Yálá laawoo hɛɓɛ (dc)

⁴ Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Yálá laawoo hɛɓɛ

⁴ Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Bible

⁴ Zɛsebɛɛ kɛ́ɛ Yâwɛɛ ŋɔlóno kɛ́-ƃelai paâi, Obadia è Ɣâla ŋɔlóno kɛ́-ƃelai ŋuŋ tɔnɔ sìɣe é díloo kɔni wolo feerɛ su, dɔnɔ núu buu lɔ́ɔlu, gɛ́ mii-sɛŋ tɛ̀ɛ dípɔ da yá naa.)

Tɔɔɓɛlaa dɔlɔɔ 18:4 ပူးပေါင်းရင်းမြစ်များ

Tɔɔɓɛlaa dɔlɔɔ 13:16

Yálá nwɔ nui yɛ mą: «Vá pɛli yalii búlú, və́ kɔ̨nɔ̨n mįi, və́ ya kpələ.

Tɔɔɓɛlaa dɔlɔɔ 17:11

Nɛ̨ɛ̨nui tii kɛɛ lii ɲa haɠai, Eli ə pənə ə dəli bulu pələ, yɛ mą: «Néé! Yá li ə́ lɛɠɛ kpuwɔ lon bɛlɛ mą ə́ paa la.»

Tɔɔɓɛlaa dɔlɔɔ 18:13

Akɛ tii, mɛ̨nį ta ŋą́ gɛ, di hvo ta ɉukulɔ li námu ɓa, ɓɛlɔwai Ɉezabɛlə ə kɛi Yai-Laa kwəi mɛ̨nį hukulɔ nuą paa la, ŋą́ Yai-Laa kwəi mɛ̨nį hukulɔ nuą nu nwun dɔ̨nɔ̨ loo kwɛni wolo hveelɛ hu a nu pow lɔɔli lɔɔli, gɛ́ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 18:5

Akabə yɛ Ovadiahu ɓa: «'Li, nɔi ɲa nwun gulɔi kəlee ɓa, moloon gəlee hu, gbəli hu gu kaa pai kala tiliin ɉɔlɔɓoi, ə kɛ a díɲɛ̨-həɠə hooɠaa da ɉooɠaa kɔ̨nɔ̨n, diɛ pɛli lɛɛi gu yəi a di hvulú. Ɛlɛɛ, gu hva kiɛ kpaan daatɛlɛɛɠaa bələ tɔ̨nɔ̨ paai.»

Tɔɔɓɛlaa veelɛ 6:32

Elise ə kɛ heeni bɔɔli, nu kpɛa kpɛaa heɛ gwɛlɛ ɓɛlɔwai tɔɔmun ə nwɔ tímun dɔ̨nɔ̨ tɔɔ la bɔ. Gɛɛ tɔɔmun nwɔ kɛlai hvo həli Elise ɓa, ə gbɛa mo gwɛlɛ nuą diɛ, yɛ diɛ: «Kaa nu paa mun lon ŋɛ̨i kaa, ya ka tii aa nuą tɔɔ, ə gɛ, di pa di nwún dee. Nwɔ kɛlai tii aa həli ɓɛ, ka bɛlɛ́ laa kpulu dɔwɔ, ka nɛɛ gbon mą, ka bili la. Kɛlɛi, nwun nąmu kɔ́wɔ mu tin gaa tɔɔi bulu.»

Tɔɔɓɛlaa veelɛ 9:7

Yɛ́ ɓə pai ə́ nwun nąmu Akabə huwu pui, ə́ Yálá kwəi mɛ̨nį hukulɔ nuą ɲąmą nwąną kulɔ, da Yai-Laa nwɔ tínuą ɲąmą, yai Ɉezabɛlə ə bui.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Azaya 16:3

Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Ɉeremi 36:19

Nɔi ɲɛ̨i tɔwɔ nuą diɛ Barukə ɓa: «'Li ə́ ə́ loo, ə mą kɛ Ɉeremi, nu ta hvo ká kɛi kɔlɔn.»

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 25:35

Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nweə̨ laa kɛ.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Hebreu 11:38

diɛi tii, ɲɛnɛ̨ɛ̨ ŋɛ̨i hvo kɛ a di wɔɔ, di kɛli lɔ li di nwun ma nɔi pun ɉu, da ɲeeɠaa nwuɔ̨, diɛ ɓo kwɛni woloɠaa hu, da yaɓoloonŋaa pɔ.