Tɔɔɓɛlaa dɔlɔɔ 18:29 - Yálá laawoo hɛɓɛ (dc)

²⁹ Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Yálá laawoo hɛɓɛ

²⁹ Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Bible

²⁹ Dí lɛ̀ɛ m̀ɛnii ŋí ma ŋ̀ele-wulii salai kula tãi é seri. Kɛ́lɛ dífe sɛŋ da kélee wóo mɛni ní naa. Núu da fé díwoo su too ní. Núu da fé tela ŋ̀óli tɔɔ ní dîa.

Tɔɔɓɛlaa dɔlɔɔ 18:29 ပူးပေါင်းရင်းမြစ်များ

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Tɔɔɓɛlaa dɔlɔɔ 22:10

Israɛlə tɔɔmun da Ɉuda tɔɔmun di kɛ heeni dɔɔ kpəlinŋąą hu, di wɔ tɔɔ həɠəɠaai di ɓo di kwąną, di heɛ Samari taa ɉį́i la. Yálá kwəi mɛ̨nį hukulɔ nuą diɛ Yálá kwəi mɛ̨nį ɓo di lííla.

Tɔɔɓɛlaa dɔlɔɔ 22:12

Yálá kwəi mɛ̨nį hukulɔ nuą tii kəlee di kɛi mo tii, diɛ kɛ mą: «Li! Ə́ kɔ́ pɛlɛ Ramotə taa ɓa yai gaa Galaadə, ə́ yee kaa lii lɔi, Yai-Laa aa dɔɔmun tii lɔ ə́ yee ŋą.»

Mąątɛ̨nɛ̨ 115:4

Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Lɛɛ gbɔwɔ ɓa 29:39

Yá mɛlaa lon dɔlɔɔ paa yələwala, ə́ veelɛnąą paa hvitili ɓa.

Lɛɛ gbɔwɔ ɓa 29:41

Mɛlaa lon veelɛnąą nwɛi, ya baa hvitili ɓa, bələi lɔ ə́ yələwala pɔ haláá kulɔ la, yá gɛ lɔ ti, da nɔɔ mɛ̨nį, haláá kun nɛ̨ɛ̨ li, yili kaa a kɔ́ɓo hɛn yii da gələn a Yai-Laa nwɔɔ.

Lɛɛ gbɔwɔ ɓa 8:14

Eziptə pənən gɛ nuą kəlee di di ŋąąwala diɛ hįįlon gulɔ, kɛlaa, di hvo pɛli mą. Ɉįilonŋąąi ti di kɛi pɛlɛ nuą diɛ, da ɉuwɔɠaa kəlee.

Azaya 16:12

Di kaa pai Moabə kaai, vinna tɔ́n ŋąą, yɛ tɛ nwɔ haliɠaai kɔ́i, yɛ li nɛ̨ɛ̨mąą hvəi nwɔ haláá kulɔ pɛlɛ́i mu, Kɛlaa, ɲee hvo pai lɔi mɛ̨nį ta kɛi.

Azaya 46:7

Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.