Tɔɔɓɛlaa dɔlɔɔ 18:26 - Yálá laawoo hɛɓɛ (dc)

²⁶ Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Yálá laawoo hɛɓɛ

²⁶ Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Bible

²⁶ Dí niŋa sîrɛi sìɣe dí dɛɛ dípɔ dí gbɛtɛ. Dí Bêe fɛ̀li é síɣe ɣele-wala ma é tóo ɣele-wulii ma. Dí làɣi a ɣelei pere dîɛ mài, “Óo Bêe, kúwoo su too!” Kɛ́lɛ dífe wóo da mɛni ní núu da fé tela díwoo su too ní. Díkɛ̀ mãlai dí kɛ́ tìnaŋ ŋ̀âla-teƃelei ma dí gbɛ̀tɛi.

Tɔɔɓɛlaa dɔlɔɔ 18:26 ပူးပေါင်းရင်းမြစ်များ

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Tɔɔɓɛlaa dɔlɔɔ 18:25

Eli yɛ Baalə laa yəlikɛ nuąi diɛ: «Ka ka wɛi həɠə ɉu, ka baa; Mąąhɔlɔɓo, kaa ɓə ka tamąą. Ka ka woo tɛ ka wɔ halii pɔ pələ, kɛlaa ka hvo nwɔ̨n ɉee gwɛi ɓa.»

Tɔɔɓɛlaa dɔlɔɔ 18:27

Hvóló paa nwun ma, Eli ə kɛi yɛlɛ kulɔ di hu, yɛ kɛ diɛ: «'Ka tomą a ka nwąnąi, kɛlɛi yálá li-e! Mąą mɛ̨nįɠaa tamąąi, aa li kiɛ kɛɛnąą ta. Gaa li kiɛ pələ pɔ, a wala kɛ tii gaa kiɛ yíi. Hvo kɛi ka ɲį́nąąɓo.»

Lɛɛ gbɔwɔ ɓa 8:14

Eziptə pənən gɛ nuą kəlee di di ŋąąwala diɛ hįįlon gulɔ, kɛlaa, di hvo pɛli mą. Ɉįilonŋąąi ti di kɛi pɛlɛ nuą diɛ, da ɉuwɔɠaa kəlee.

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Azaya 44:17

Yili pulu, gbəlii tii kɛa a lɛɛ, ə bɛli a hali, ə gɛ a nwɔ yálá, yɛ kwɛli hvilɛn mą, yɛ pɛlɛ nií la, yɛ mąą mɛ̨nį laa həli mą, yɛ kɛ mą: «Málo! Mąąhɔlɔɓo, yɛ́ lɔ ɓə a nwɔ́ yálá!»

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 46:7

Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Ɉeremi 10:5

Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Zôna 1:5

Gələn ɉiɛ nuą di ɲɔw kpɔ kɛnɛ̨, nu kəlee yɛ nwoo laa həli nwɔ Yálái ɓa. Di nɛ̨ɛ̨mą diɛ diɲɛ taɠaa kulɔ gələn ɉu diɛ bili ɲai, ə gɛ, ə lɛɛ howa-howa. Ɉonasə nwɛi, ə yɛɛ gələn gbon ŋą, ə laa yɛ yii kpɔ a mɔlɔ.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Sofoni 1:9

Ɲələi tii, nuąi da tɛɛ bɛlɛ́ laaləi, nuąi da di nąmu nwɔ pɛlɛ́i laa hvɛɛ a nwąnąlɔɔ mɛ̨nį, da nwuɔ̨ mɛ̨nį, ŋą ɲéé pɛlɛ gəlee diɛ.

Maafîu 6:7

«Ka kɛi Yálá hvɛli, ka hvo hvaa tamąą ɓo, yɛ bələi nuąi di hvo Yálá kɔ́lɔn da gɛ la. A kɛ di kwəi da mo tii tamąą, ya ɓə Yálá a di woo mɛ̨n na.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Samuɛlə dɔlɔɔ 5:3

Mąą yələ laaɓoɔ, yələ wala pɔ, Asdɔdə nuą di di ɲįnąąɓo, di Dagɔn kaa bɛlɛɛ niiɓa Yai-Laa nwɔ mįnɛ̨ kəhii lííla. Di ɉaŋą di dɔɔ.