Tɔɔɓɛlaa dɔlɔɔ 18:24 - Yálá laawoo hɛɓɛ (dc)

²⁴ Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Yálá laawoo hɛɓɛ

²⁴ Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Bible

²⁴ Gɛ̀ ní ka pâi káɣâlai fɛlîi, ńyãŋ ŋá Yâwɛɛ fɛli. Ŋ̀âlai nyíi pâi zu toôi a ŋɔŋ, ǹyaa ƃé gáa a Ɣâla.” Nya ƃe ǹûai kélee dí mò dîyɛɛi, “M̀ɛnii í mòi, ǹɛ̂lɛɛi.”

Tɔɔɓɛlaa dɔlɔɔ 18:24 ပူးပေါင်းရင်းမြစ်များ

Zɛnɛse 4:26

Sɛtə yaa kpɛli ə lon ɉulɔnu hɔlɔɓo, ə naa hee a Enɔsə. Nąąlɔwai ɓə kɛa, nuą di gɔwɔ tɔɔ la, diɛ Yálá təli la a naa, a Yai-Laa.

Samia Veerɛi 14:19

Tɔɔmun yɛ mą: «Kɛlɛi Ɉoabə ɓə ə́ yee pili mɛ̨nįi ŋɛ̨i hu-ee?» Nɛ̨ɛ̨nui ə nwoo pulu pənə yɛ mą: «Gána nwun ə báá, nwɔ́ mɛ̨nį nąmu tɔɔmun, yii lɔpee ya mo nu hva pɛli lii ŋɛ̨i hvo li ŋɛ̨i, gaa tii ə́ wɔ́ tímun Ɉoabə ɓə dɔ́ɔ́. Mɛ̨nįɠaai kpɔ kɛ mąąnɛ̨ɛ̨ ŋą́ mo, ya ɓə di lɔ ná.

Tɔɔɓɛlaa dɔlɔɔ 18:23

Ka nįŋɛ̨ hilɛ hveelɛ tɛɛ kɛa ku pɔ. Baalə nwɔ nuąi di dɔ̨nɔ̨ həɠə ɉu a di wɛi, di baa, di naa kwɛi mɛ̨i, kɛlaa di hvo nwɔ̨n nɛɠɛ mą. Ɲą́ą́ gbɛli, ŋą́ nwɛi kɛ lɔ tii, ŋą́ nwɔ́ nįŋɛ̨i paa, ŋą́ naa gwɛi mɛ̨i, vá nwɔ̨n nɛɠɛ mą.

Tɔɔɓɛlaa dɔlɔɔ 18:25

Eli yɛ Baalə laa yəlikɛ nuąi diɛ: «Ka ka wɛi həɠə ɉu, ka baa; Mąąhɔlɔɓo, kaa ɓə ka tamąą. Ka ka woo tɛ ka wɔ halii pɔ pələ, kɛlaa ka hvo nwɔ̨n ɉee gwɛi ɓa.»

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Tɔɔɓɛlaa dɔlɔɔ 18:39

Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Tɔɔɓɛlaa dɔlɔɔ 2:38

Simei yɛ tɔɔmun ma: «Ə́ woo tii aa nɛ̨ɛ̨ mą́ą́. Bələi kpɔlɔɔ tii nwɔ́ mɛ̨nį nąmu tɔɔmun ə mo la nwɔ luwɔi ɓa, bələ kpɔlɔɔ ɓə gaa gɛi la.» Simei ə lamun Ɉerusalɛmə,

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Kɔlɔnikɔ Veerɛi 7:1

Kpɛɛi Salomɔn ə mo a Yálá hvɛliɛ, nwɔ̨n ə həɠə yələi pələ, ə yɛɛ, ə ɉaláá hɛn yii da gələ kələn, da ɉaláá hɛn dakpɛliɠaa kəlee kələn. Ɛlɛɛ Yai-Laa Mąąɲįnɛ̨n ə Bɛlɛ laa hvɛɛ.

Kɔlɔnikɔ Veerɛi 7:3

Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Azaya 39:8

Ezekiasə ə Esai woo pulu pənə, yɛ mą: «Woo lɛlɛɛ ka tii yáá mo yɛ həɠə Yai-Laa pɔ pələ.» Ə kɛi kɛa mo gwəi pələ, yɛ kɛ diɛ; ɓɛlɔwai gáá ni la vúlu kɔ́wɔ ŋą, liilaa kaa pai kɛi ku lɔwai, ɲɔw hva too nu ta hu.

Ɉeremi 27:18

Akɛ mɛ̨nį ɓoɔ gɛɛ tɔwɔ kɛ nuą ɓaa diɛ, akɛ Yai-Laa woo kaa di yəi, mąąnɛ̨ɛ̨ kani di Yai-Laa Mɛ̨nį Kəlee ŋą Hééɓomun mąąnɛ̨ɛ̨, ɉɛn ɲąŋąɠaai ŋɛ̨i Yálá hee pɛlɛ́ mu da tɔɔmun ɲəi bɛlɛ́n, da Ɉerusalɛmə, di hvo li a da Babilonə.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Nwun mąąɓo 6:21

Ya ɓə, Yai-Laa nwɔ malakai ə ɲee haŋą, dunwɔ̨n tii kɛ ɲəi, ə ɉee ɉuwɔ da nɛɠɛ diɛ. Nwɔ̨n ə kulɔ gwɛni hu, ə ɉuwɔ da nɛɠɛ di kələn. Yili pulu, malaka ə kwɛlɛɛn, Zedeɔn hvo kɛa gaa.