Tɔɔɓɛlaa dɔlɔɔ 18:18 - Yálá laawoo hɛɓɛ (dc)

¹⁸ Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Yálá laawoo hɛɓɛ

¹⁸ Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Bible

¹⁸ Ilaiza ǹyɛɛ m̀ai, “Fé a ǹúui nyíi pâi Eezuɛ pɔ́ a mɛni nyɔ́mɔɔ, kɛ́lɛ ka ínâŋ ŋɔkáa-laai su-ƃelai ƃe. Ká káyee kùla Yâwɛɛ ŋɔtɔ̂ŋ-ŋai mu ká kɛ́ Bêe Ɣalai fɛli.

Tɔɔɓɛlaa dɔlɔɔ 18:18 ပူးပေါင်းရင်းမြစ်များ

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa dɔlɔɔ 16:32

Bɛlɛ́i ŋɛ̨i ə dɔɔ Samari daa, ə Baalə kɔ́i pɛli laa bɛlɛ́n.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Tɔɔɓɛlaa dɔlɔɔ 9:9

Da nwoo pulu pənə diɛ kɛ mą: ‹Mąąhɔlɔɓo, di Yai-Laa lɛɛ laa, yai a di wɔ Yálá, yai wɔlɔ di nąnni kulɔ Eziptə lɔi hu, diɛ hvilɛn haliɠaa pulu, diɛ kwɛli hvilɛn diɛ, diɛ di mąą mɛ̨nį kɛ. Yili mąą mɛ̨nį ɓə gɛ, Yai-Laa di wɔ Yálái yɛ mɔ̨nɔ̨ ŋɛ̨i laa di mɛ̨i.›»

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 28:19

Yai-Laa ə Ɉuda lɔi ɲɛ̨i paa tii, Israɛlə tɔɔmun Akazə mąą mɛ̨nį ɓa; gbala ə tɔɔ, yaa ɓə Ɉuda ɲąątɔɔ a hvįikpɛɛ laa kulaa, ɛlɛɛ, mąąluwu túwɔ́ ɓoɔ, ɲee ɓo Yai-Laa mąą mɛ̨nį ɓa, yɛ doo.

Hanwon 11:19

Nuąi da li Nɛ̨ɛ̨nui tii pɔ, di hva di pulu pənə. Di hva yɛnɛ̨ɛ̨ kɛ pələ kaa.

Hanwon 13:21

Mɛ̨nį ɲɔ̨nwɔ̨ɔ̨ hva tee nɛ̨ŋɛ̨n ɉəɠə nuą pulu, nwun na nɛ̨ɛ̨ ə ɓo a tələnmo nuą hvɛla.

Hanwon 28:4

Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 23:13

«Ŋą́ kili kpɛɛ gwəi mɛ̨nįɠaa kaa, Yálá kwəi mɛ̨nį hukulɔ nuąi Samari di yee pɔ, di kɛi mɛ̨nįɠaa ɓo Baalə laa hu. Diɛ Israɛlə nwɔ́ nu huwui nwun ɉu lan.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Izikiɛ 3:8

Kɛlaa gáá ə́ ɲɛ̨i wala walai lɔ yɛ diɛ, ŋą́ ə́ nwun ɉu wala wala, yɛ diɛ.

Maafîu 14:4

Mąąhɔlɔɓo, Ɉaan ə kɛ Herodə ɓa: «Mąą hvo nɛ̨ɛ̨li nu hvo ə ləɠə nɛ̨ą həɠə a ə nɛ̨ą!»

Gɛlaɠaa 24:13

Mɛ̨nįɠaai kpɔ nuą ŋɛ̨i bɛlɛi nwúɔ̨ yiihu, di hva pɛli dɛ̨ą lɛi kpɔ tíikpə kpɛli.

Gɛlaɠaa 24:20

Yii di hvo ɓɛi, nuąi ŋɛ̨i ɓɛi, mɛ̨nį ɲɔ̨nwɔ̨ɔ̨i kpɔ di gaa a ɉón, ɓɛlɔwai ŋį́ kɛ la giti haɠa ɓa tɔ́n vili nąmįną lii la, di mo.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Samuɛlə dɔlɔɔ 14:29

Ɉonatan yɛ mą: «Nán a mɛ̨nį ɲąąnwąnąą laa nɔi ɓa, ka ɓɛ kaa li, ɲɛ̨i aa pɔ̨nɔ̨ nwún ma a gwɛin nwulɔ woloi ŋɛ̨i lɔ ŋą́ gɔwɔn.