Tɔɔɓɛlaa dɔlɔɔ 17:22 - Yálá laawoo hɛɓɛ (dc)

²² Yai-Laa ə ɲee hee Eli woo mu, nokoloi nįį ə pənə ə too ɉu, ə pənə ə kɛ a vulú.

Yálá laawoo hɛɓɛ

²² Yai-Laa ə ɲee hee Eli woo mu, nokoloi nįį ə pənə ə too ɉu, ə pənə ə kɛ a vulú.

Bible

²² Yâwɛɛ è Ilaiza wóo mɛ̀ni. Ǹôloŋ ŋɔfúlu-laai è tòo pôlu gbonôi é ŋɔ́nɔ kɛ́ a vúlu.

Tɔɔɓɛlaa dɔlɔɔ 17:22 ပူးပေါင်းရင်းမြစ်များ

Tɔɔɓɛlaa dɔlɔɔ 17:23

Eli ə gbəŋə, ə kulɔ la nwɛ̨ą pɛlɛ́ mu, ə yɛɛ la ɓɛi nee ə kɛ laa, ə dɛɛ nee pɔ, yɛ mą: «Ə́i! Ə́ lon vulú mąą ka.»

Tɔɔɓɛlaa veelɛ 13:21

Yələ ta, nuą di kɛi li nu ta looi, nąąlɔwai, di doomɛ̨i kɛ nuą kpulu tii ta kaa laa, di nui tii lɔ a mąąhulaa Elise kámą hu, di tɛɛ diɛ li. Nu powai tii ə hee lɔ Elise kɔ́wɠaa diɛ, ə pənə ə kɛ a vulú, ɛlɛɛ, ə mu həɠə ə tɔɔ.

Lukə 7:14

Yili pulu, Jesus ə lɛɠɛ gbɛa-kpɛa ma, ə ɲee pɛlɛ mą, nuą tii nu powa ə kɛ di yəi, di kpəla di tɔɔ. Jesus ə mo nu powai tii ɓa yɛ mą: «Hulɔnon, gɛ́ ə́ ə́ muhəɠə ə́ kɛ a ə́ hvulú.»

Lukə 8:54

Kɛlaa, Jesus ə́ nokoloi hon a ɲee, ə mo kpɔ a nwoo kɛnɛ̨, yɛ mą: «Lokolo, ə́ muhəɠə!»

Ɉaan 11:43

Yii kɛa ə kpɛɛ a nwooɠaa tii ɓoɔ, ə tómą kpɔ a nwoo kɛnɛ̨ɛ̨ yɛ mą: «Lazarə kulɔ ə́ kámą hu.»

Gɛlaɠaa 20:12

Di naŋąlon ti hon di paa la, yɛ ɓo a vulú. Yili ə kɛ a nuą kəlee hvaŋą lɔ mɛ̨nį.

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Hebreu 11:35

Laa na laa háálai, nɛ̨ąąi di wɔ nuą daa kɛ haa, diɛ pənə diɛ nwun. Kɛlaa, nu taɠaa diɛ hvaa mą, diɛ di mɔ̨nɔ̨ɓo, diɛ di paa, ə gɛ, di pa yɛnɛ̨ɛ̨ hva kpɛɛ hɔlɔɓo di nwunŋąą pulu.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.