Tɔɔɓɛlaa dɔlɔɔ 17:13 - Yálá laawoo hɛɓɛ (dc)

¹³ Eli yɛ mą: «Ə mą kə tii, hvó ɲɔw, gɛ yɛ bələi tii ŋą́ mo la yɛ́. Kɛlaa, gbɛa nii lɛɠɛ logolo kɛ a nɛɠɛ hunwɔi tii, ə́ paa la bɔ́; yili pulu, ə́ ka ə́ lon ka wɛi yili kɛa.

Yálá laawoo hɛɓɛ

¹³ Eli yɛ mą: «Ə mą kə tii, hvó ɲɔw, gɛ yɛ bələi tii ŋą́ mo la yɛ́. Kɛlaa, gbɛa nii lɛɠɛ logolo kɛ a nɛɠɛ hunwɔi tii, ə́ paa la bɔ́; yili pulu, ə́ ka ə́ lon ka wɛi yili kɛa.

Bible

¹³ Ilaiza ǹyɛɛ m̀ai, “Ílii fé sɛ̀lɛŋ. Lí ípɔ-naa í gɛ́ yɛ̂ɛ berei í mò lai. Kɛ́lɛ kpólo loŋ kpɛtɛ fúlɔi í pá la ḿî é kúla nyíi loŋ su gáa íyêei, gɛ̀ ní, da kpɛtɛ ka íloŋ-surɔŋ kámɛni ma.

Tɔɔɓɛlaa dɔlɔɔ 17:13 ပူးပေါင်းရင်းမြစ်များ

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Tɔɔɓɛlaa dɔlɔɔ 17:12

Nɛ̨ɛ̨nui yɛ Eli ɓa: «A tɛ̨ą, yɛ bələi Yai-Laa kaa la vulú! Lɛɠɛ hvo ɲə́i! Lɛɠɛ hunwɔ logolo tiikpə ɓə ɲə́i nəɠi kpon ŋą, ɛlɛɛ wulɔ logolo tiikpə ɓə ɲə́i múluun ɉu. Yili nwɔ kwɛi wolo lɔ ka ŋɛ̨i ŋą́ kɛi gwɛli, ŋą́ li, ŋą́ ɲili, kwa nón kwa mįi kɛa, kuɔ haa mąą kpɔn.»

Tɔɔɓɛlaa dɔlɔɔ 17:14

Mąąhɔlɔɓo, Yai-Laa Israɛlə nwɔ Yálái yɛ diɛ: ‹Nɛɠɛ hunwɔ hvo pai kpɛɛi nəɠi hu, nwulɔ ta hva kulɔ mą múluun ɉu, ə lɛɛ la ɉu, Yai-Laa ə tulɔ pu lɔi mɛ̨i.›»

Tɔɔɓɛlaa veelɛ 6:16

Elise yɛ mą: «'Hvó ɲɔw, diɛi gwa diɛni gu tɔɔ, di kpulu kɛnɛ̨i dɛɛ diɛi diɛ.»

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Hanwon 3:9

Yai-Laa mąąwiɛ a ə́ hɔlɔɓo hɛn gɔwɠaa, a ə́ hɔlɔɓo hɛn nįnɛ̨ kɛi yá mo a gɔ́ hɛn;

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Hebreu 11:17

Laa na laa háálai, Abrahamə hukɔɔn di mo, diɛ mą ə Isaakə kulɔ a haláái, ə non gɔw tanɔ̨n tii kulɔ a haláá, ya pa, daa gbɛa kɛ mɛ̨nįɠaa laakwɛlanmo mą,

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,