Tɔɔɓɛlaa dɔlɔɔ 17:1 - Yálá laawoo hɛɓɛ (dc)

¹ Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Yálá laawoo hɛɓɛ

¹ Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Bible

¹ Tisibi-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa ɣele mai, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Tɔɔɓɛlaa dɔlɔɔ 17:1 ပူးပေါင်းရင်းမြစ်များ

Tɔɔɓɛlaa dɔlɔɔ 17:12

Nɛ̨ɛ̨nui yɛ Eli ɓa: «A tɛ̨ą, yɛ bələi Yai-Laa kaa la vulú! Lɛɠɛ hvo ɲə́i! Lɛɠɛ hunwɔ logolo tiikpə ɓə ɲə́i nəɠi kpon ŋą, ɛlɛɛ wulɔ logolo tiikpə ɓə ɲə́i múluun ɉu. Yili nwɔ kwɛi wolo lɔ ka ŋɛ̨i ŋą́ kɛi gwɛli, ŋą́ li, ŋą́ ɲili, kwa nón kwa mįi kɛa, kuɔ haa mąą kpɔn.»

Tɔɔɓɛlaa dɔlɔɔ 17:2

Yili pulu, Yai-Laa yɛ Eli ɓa:

Tɔɔɓɛlaa dɔlɔɔ 18:1

Yələ tamąą tɛɛ pulu, Yai-Laa ə pələ ɓɔ Eli ɓa a gwɛlan ɉaaɓa nąą, yɛ mą: «'Li! Ə́i kpɔwɔ lɛ Akabə ɓa, gáá pai tulɔ pui lɔi mɛ̨i.»

Tɔɔɓɛlaa dɔlɔɔ 18:10

Akɛ Yai-Laa ə́ nwɔ Yálái kaa a vulú, lɔi ta hvo laa, tɔɔlaa ta hvo laa, ɓɛi nwɔ́ mɛ̨nį nąmu Akabə hvo ni nuą tɔɔ li laa, ə́ kwɛli mɛ̨nį ɓa. Akɛ dɔɔlaa tii, a wala kɛ tii, nɔi tii hu nuą da kɛ mą: ‹Hvoo ɓɛ!›, a kɛ diɛ: ‹Ka ka kwɛla, akɛ ka hvo ni gaa li!›

Tɔɔɓɛlaa dɔlɔɔ 18:15

Eli yɛ mą: «Akɛ Yai-Laa Mɛ̨nį Kəlee ŋą Hééɓomun ŋɛ̨i gáá tíi mą gaa a vulú; háákələi kpɔ-kpɔɔ Akabə a kələi gáá.»

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Tɔɔɓɛlaa dɔlɔɔ 8:35

«Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Tɔɔɓɛlaa veelɛ 1:3

Nąąlɔwai, Yai-Laa nwɔ malaka ə mo Tisbe mun Eli ɓa, yɛ mą: «'Hvilɛn bələ pɔ ə li, ə kaa lii kwiɛn ɉii a Samari tɔɔmun nwɔ wɛlɛɛ ɓo nuą, kɛ diɛ: ‹Akɛti, Yálá hvo Israɛlə nuą yəi? Yaai ka káá lii Baalə-Zebubə mąąnin gɛi, yai a Ɛkrɔn nwɔ halii?›

Tɔɔɓɛlaa veelɛ 3:14

Elise yɛ mą: «Yai-Laa Mɛ̨nį Kəlee ŋą Hééɓomun, yai gáá tíi mą, nąą hu, a wala kɛ kɛ a Ɉuda tɔɔmun Ɉosafatə mąą mɛ̨nį, və́ ni mɛ̨nį lɔpee ta ɓo yɛ́, va kpɛli kɛ ɲɛ̨i hee ə́ ɲɛ̨́i.

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Tɔɔɓɛlaa veelɛ 5:16

Elise yɛ mą: «Yai-Laa ŋɛ̨i gáá a nwɔ tímun, yai kpɔ gaa a vulú, naa hu, ɲéé hvo hɛn da mu.» Naaman ə kpala kpɔ Elise la, kɛlaa, lolo hvo kpɔ gɛ hvo ɲee hee hɛn da mu.

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Kɔlɔnikɔ Veerɛi 21:12

Yələ ta, Yálá kwəi mɛ̨nį hukulɔ mun Eli, ə hɛɓɛ́ tɛɛ mą, yɛ mą: «Yai-Laa ə́ nąn Davidə nwɔ Yálái woo ka, yɛ diɛ: Yii kpɔ hvó gɛ li, hvó hiɛ a ə́ nąn Ɉosafatə kpaalə, hvó hiɛ li a Ɉuda tɔɔmun Asa hiɛ pələ;

Kɔlɔnikɔ Veerɛi 6:26

«Yələ kɔ́lɔn naa a kpulu, tulɔ a wala kɛ pui, mąąhɔlɔɓo, nɔi lonnii daa nɛ̨ŋɛ̨n ɉəɠə Yɛ́, da di ɲɛ̨i tinɛ̨n gɛɛnąą ŋɛ̨i pɔ pələ, diɛ Ə́ hvɛli, diɛ Ə́ laa tɛ, diɛ di yee kulɔ di wɔɔ nɛ̨ŋɛ̨n hu, mąąhɔlɔɓo, Yáá mɔ̨nɔ̨ laa di mɛ̨i,

Zôo 12:15

A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Azaya 49:18

Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Egaa 1:10

Ka túwɔ́ pələi tii mąą mɛ̨nį ɓə gɛi, tulɔ tɔ̨nɔ̨ kpɛli hvo pu li la lɔi ɓa, ka wɔ hihɛnŋąąi di hvo lɛlɛ.

Maafîu 11:14

Gáá tɛ̨ą ɓoi kaa, akɛ ka káá bɔ ka ŋąą kaa a nɛlɛɛ; di kɛ kaa: Eli kaa pai! Mąą Eli ɓaa Ɉaan.

Maafîu 16:14

Di nwoo ŋąąpənə diɛ mą: «Nu taɠaa da kɛ kɛi diɛ: Ɉaan-Batistə ɓaa a yɛ́. Daɠaa diɛ kɛ diɛ: ə́ kaa a Eli. Daɠaa diɛ kɛ diɛ: ə́ kaa a Ɉeremi, a wala kɛ tii, Yálá kwəi mɛ̨nį hukulɔ mun ta lɔ ɓaa a yɛ́.»

Maafîu 27:47

Nuą tii kɛ laa tɔɔ ni di nwɔlɔ woo tii mɛ̨n diɛ mą: «Gaa Eli təli.»

Maafîu 27:49

Kɛlaa, nu taɠaa di kɛi kɛ diɛ: «Ka tɔɔ. Gu gu ɲɛ̨i hee mą akɛ Eli kaa pai nwun gulɔi ɉu.»

Maafîu 7:29

Mąąhɔlɔɓo, bələ hvəə di wɔ tɔ́n galamɔ̨ɔ̨ɠaa da di kalan na. Jesus ə kɛi di kalan a heeɓo laa.

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Lukə 9:30

Kpɔlɔ tii ŋąąɓa, nu hveelɛ di kulɔ nąą, da Jesus ni diɛ mɛ̨nį ɓo. Nu hveelɛi tii ɓaa kɛ a: Moisə da Eli.

Lukə 9:33

Ɓɛlɔwai nu hveelɛi tii di kɛi həɠə la Jesus kwɛlɛ, Piɛrə ə mo Jesus ɓa, yɛ mą: «Kalamɔ̨ɔ̨, a kɛ gwa lɛɛ ɓɛ, yili ŋąą nɛɛi kpɔ kɛnɛ̨. A kɛ tii, kwa həɠə pɛlɛ haaɓa tɔɔ; dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔ, dɔ̨nɔ̨ ə kɛ a Eli nwɔ.» (Nwoo tii Piɛrə ə kɛi mo, hvo kɛi ŋąą kaa gbɔwɔ yəi.)

Lukə 9:54

Ɓɛlɔwai galan nɛa hveelɛi tii di yili bələ mɛ̨n na, di mo Jesus ɓa, diɛ mą: «Ną́mu, akɛ ya hvaa mą, ku mo nwɔ̨n ə həɠə yələi ə yɛɛ ə di kələn.»

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Lomaŋ 11:2

Yálá nwɔ nuąi ə gbɛa kɛ di kɔ́lɔn a bɔlɔ, hvo lənə li diɛ. Ɓɛi ŋɛ̨i Eli kaa nwoolaai laa Israɛlə mąą mɛ̨nį ɓa Yálá lawoo hɛɓɛ́ hu, ká hvo mɔ̨ɔ̨ nąą kɔ́lɔn!

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Zĩi 5:17

Eli ə kɛ lɔ a nu yɛ guɔ, ə Yálá hvɛli kpɔ a kilitɔɔmąą laa, yɛ tulɔ hvo pu, yaan, tulɔ hvo hvilɛn lɔi ɓa, kwɛlan ɉaaɓa ɲąnįn mɛ̨ida yee mu;

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.

Nwun mąąɓo 12:4

Yili pulu, Ɉɛfte da Galaadə nuą di yee ə tɛɛ Ɛfraimə nuą diɛ, mąąhɔlɔɓo, Ɛfraimə nuą di kɛi kɛ mą: «Kaai ɓaa Galaadə nuą, ka káá a nuąi daa di mąą kilɛ. Ɛfraimə nuą lɔwai, da Manase nwɔ nuą lɔwai.»