Tɔɔɓɛlaa dɔlɔɔ 16:13 - Yálá laawoo hɛɓɛ (dc)

¹³ Yili ə kɛ tii, ə hvilɛn Baesa da non Ela di kɛ nɛ̨nɛ̨nŋaai di ɉəɠə, yiiɠaai di Israɛlə yee lɔ ɉu, mąą mɛ̨nį ɓa, diɛ Yai-Laa Israɛlə nwɔ Yálá liikələn gwəi mɛ̨nį kɛ, a di wɔ kwɛli hvilɛn mɛ̨nį haliɠaa diɛ.

Yálá laawoo hɛɓɛ

¹³ Yili ə kɛ tii, ə hvilɛn Baesa da non Ela di kɛ nɛ̨nɛ̨nŋaai di ɉəɠə, yiiɠaai di Israɛlə yee lɔ ɉu, mąą mɛ̨nį ɓa, diɛ Yai-Laa Israɛlə nwɔ Yálá liikələn gwəi mɛ̨nį kɛ, a di wɔ kwɛli hvilɛn mɛ̨nį haliɠaa diɛ.

Bible

¹³ È gɛ̀ tí, kpɛ́ni fêi, zɔnyɔ̂ŋ-ŋai kélee Baasa da ǹóŋ Ila dí gɛ̀ da berei dí gɛ̀ la Eezuɛ é sɔnyɔ̂ŋ kɛ́i, ǹyaa ƃé dí gɛ̀ Yâwɛɛ, Eezuɛ Ŋɔɣâlai kɛ́ ǹíi ŋwàna. Dí Ɣâla pɔkɔɔŋ-ŋa kpɛ̀tɛ díkpîŋ mɛni ma.

Tɔɔɓɛlaa dɔlɔɔ 16:13 ပူးပေါင်းရင်းမြစ်များ

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 15:16

Kɔ ə kɛ Asa da Israɛlə tɔɔmun Baesa di lɔwai di wɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 15:30

Nɛ̨ŋɛ̨nŋaai Ɉeroboamə ə ɉəɠə, da yii ə gɛ Israɛlə ə ɉəɠə, yɛ Yai-Laa Israɛlə nwɔ Yálái nwąną lɔ la, mąą mɛ̨nį ɓə gɛ, yili yɛ laa nwɔ pɛ́lɛ́i ɓa.

Tɔɔɓɛlaa dɔlɔɔ 16:26

Ə hvilɛn Nevatə lon Ɉeroboamə túwɔ́ pələ pulu mɛ̨nį kəlee hu; nɛ̨ŋɛ̨n yili ə Israɛlə yee lɔ ɉu, ə hvilɛn bulu, yɛ Yai-Laa Israɛlə nwɔ Yálá liikələn gwəi mɛ̨nį kɛ, a kwɛli hvilɛn mɛ̨nį haliɠaa diɛ.

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.