Tɔɔɓɛlaa dɔlɔɔ 16:12 - Yálá laawoo hɛɓɛ (dc)

¹² Zimri ə Baesa yəi bɛlɛ́n nuą kəlee paa, yɛ bələi Yai-Laa ə bu la gwəi mɛ̨nį hukulɔ mun Ɉehu la, yɛ mo Baesa ɓa.

Yálá laawoo hɛɓɛ

¹² Zimri ə Baesa yəi bɛlɛ́n nuą kəlee paa, yɛ bələi Yai-Laa ə bu la gwəi mɛ̨nį hukulɔ mun Ɉehu la, yɛ mo Baesa ɓa.

Bible

¹² Ziŋri è Baasa ŋɔkáa-lai su-ƃelai kélee pàa yɛ̂ɛ berei Yâwɛɛ è mò la Ɣâla ŋɔlóno kɛ́-nuui Zewu sârai.

Tɔɔɓɛlaa dɔlɔɔ 16:12 ပူးပေါင်းရင်းမြစ်များ

Tɔɔɓɛlaa dɔlɔɔ 14:18

Di noo, Israɛlə nuą kəlee di ɉaa mɛ̨nį kɛ, yɛ bələi Yai-Laa ə nɔ la nwɔ tímun Ahiya la yɛ mo.

Tɔɔɓɛlaa dɔlɔɔ 15:16

Kɔ ə kɛ Asa da Israɛlə tɔɔmun Baesa di lɔwai di wɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 16:1

Yai-Laa ə mɛ̨nį ɓo Hanani lon Ɉehu ɓa, yɛ hvilɛn na Baesa ɓa, yɛ mą:

Tɔɔɓɛlaa dɔlɔɔ 16:3

Yili mąą mɛ̨nį ɓa, gáá pai Baesa da nwɔ pɛ́lɛ́i di kələi yɛ kala. Bələi tii ŋą́ Nevatə lon Ɉeroboamə nwɔ pɛ́lɛ́i kɛ la, bələ ɓə gáá gɛi la a nwɔ pɛ́lɛ́i.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa dɔlɔɔ 17:16

Ə həɠə ɲələi tii ɓa, nɛɠɛ hunwɔ hvo kpɛɛ nəɠi hu, nwulɔ mąą hvo yɛɛ múluun ɉu, yɛ bələi Yai-Laa ə mo la Eli ɓa, yili yɛ ɉukulɔ.

Tɔɔɓɛlaa veelɛ 14:25

Ya ɓə pənə ə Israɛlə lɔi kəlee hɔlɔɓo, ə həɠə Lebo-Hamatə, ə həli la Ɉurdɛn ɲa-ɓoloon bɔ gboloyá ɓa; Yai-Laa ə gbɛa wɔlɔ mɛ̨nįi tii pu nwɔ tímun Amitai lon Ɉonasə a Yai-Laa kwəi mɛ̨nį hukulɔ mun na, yai a Gatə-Hefɛrə mun.

Kɔlɔnikɔ Veerɛi 10:15

Ka gaa tɔɔmun hvo nwəli tɔɔ nuą woo ɓa, Yálá ɓə hvaa tii mą, əgɛ, mɛ̨nįi tii Yai-Laa ə bu Silo mun Ahiya la, yɛ mo Nevatə lon Ɉeroboamə ɓa, bɔ mɛ̨nį kɛ mɛ̨nį ɓə.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Kɔlɔnikɔ Veerɛi 20:34

Ɉosafatə kɛ mɛ̨nį gbəliɠaa, ə həɠə dɔlɔɔɠaa diɛ ə həli la gbəlamɛ̨iɠaa diɛ, diɛ ka di pɛ̨ɛ̨ Hanani lon Ɉehu nwɔ hɛɓɛ́i hu, ɉɛɓɛ́i tii kaa Ɉuda tɔɔɓɛlaa di wɔɔ hɛɓɛ́i lɔwai.

Hanwon 26:6

Nui a kilikpɛɛgwəi mun gɛ a nwɔ wɛlɛɛ ɓomun, a gbɔwɔ tɔɔ kɔ́wɔ kulɔ mu, ə gbɔwɔ lɔ laanɔ̨nwɔ̨ hu.