Tɔɔɓɛlaa dɔlɔɔ 15:26 - Yálá laawoo hɛɓɛ (dc)

²⁶ Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Yálá laawoo hɛɓɛ

²⁶ Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Bible

²⁶ È sɔnyɔ̂ŋ kɛ̀ Yâwɛɛ ŋɛ́i. È m̀ɛni-ŋai kɛ̀ yɛ̂ɛ berei nɔ́ ǹâŋ è kɛ̀ lai. È gɛ̀ Eezuɛ-ŋai dí pìlaŋ gɔ́ɔ pɔɔi.

Tɔɔɓɛlaa dɔlɔɔ 15:26 ပူးပေါင်းရင်းမြစ်များ

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 15:30

Nɛ̨ŋɛ̨nŋaai Ɉeroboamə ə ɉəɠə, da yii ə gɛ Israɛlə ə ɉəɠə, yɛ Yai-Laa Israɛlə nwɔ Yálái nwąną lɔ la, mąą mɛ̨nį ɓə gɛ, yili yɛ laa nwɔ pɛ́lɛ́i ɓa.

Tɔɔɓɛlaa dɔlɔɔ 15:34

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa, ə hvilɛn Ɉeroboamə túwɔ́ pələ pulu. Nɛ̨ŋɛ̨n yili ə gɛ Israɛlə yɛ ɉəɠə, yaa kpɛli ə da kɛ.

Tɔɔɓɛlaa dɔlɔɔ 16:19

Nɛ̨ŋɛ̨nŋąąi ə ɉəɠə, bulu mɔ̨nɔ̨ li kɛ. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ə ɲee lɔ ɉu, ə hvilɛn Ɉeroboamə túwɔ́ pələ pulu, nɛ̨ŋɛ̨n yili ə Israɛlə yee lɔ ɉu, yɛ da kɛ.

Tɔɔɓɛlaa dɔlɔɔ 16:30

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Omri lon Akabə ə ɲee lɔ ɉu, ɲee ə tɛɛ nuąi wɔlɔ daa tɛɛ di kəlee diɛ.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa dɔlɔɔ 21:22

Gáá pai ə́ wɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi lɛɛ la, ŋą́ gɛ yɛ bələi ŋą́ Ahiya lon Baesa nwɛi kɛ la. Gáá yili laai yɛ́ dúwɔ́ pələ ɲɔ̨n ə́ gulɔ mąą mɛ̨nį ɓa; ɛlɛɛ da Israɛlə tooi ə mo nɛ̨ŋɛ̨n ɉu.»

Tɔɔɓɛlaa dɔlɔɔ 22:52

Akabə lon Akaziasə ə kɛ a tɔɔmun Israɛlə lɔi hu, ə hee Samari, Ɉosafatə Ɉuda tɔɔmun nwɔ tɔɔlaa gwɛlan mɛ̨ihveelɛ lɔwai. Akaziasə ə tɔɔlaa kɛ a kwɛlan veelɛ Israɛlə lɔi hu.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Tɔɔɓɛlaa veelɛ 3:3

Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Lomaŋ 14:15

Kɔ̨nɔ̨n yá mįi ə kɛ a ə́ ɓɛlanmun nan ɉɛn, yá mįi, a kɛ tii, hvó hiɛi wɛlikɛmąąlaa hu. 'Gɛ a nɛlɛɛ, ə́ kɔ̨nɔ̨n və, nui Kristə ə haa mąą mɛ̨nį ɓa, nwun na pili.

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.