Tɔɔɓɛlaa dɔlɔɔ 14:23 - Yálá laawoo hɛɓɛ (dc)

²³ Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Yálá laawoo hɛɓɛ

²³ Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Bible

²³ Dí kwaa-ŋa ma kpɛ̀tɛ máŋ díkpîŋ mɛni ma dí ɣâla pɔkɔɔŋ-ŋai fɛli mɛni ma. Dí kɔni-ŋa tɔ̀ɔ a Ɣâla teƃele da wúru kóya-ŋa díɣâlai Asira fɛli mɛni ma ǹyée tɔɔ-ŋai ma da ŋ̀úru-ŋai mu.

Tɔɔɓɛlaa dɔlɔɔ 14:23 ပူးပေါင်းရင်းမြစ်များ

Tɔɔɓɛlaa dɔlɔɔ 12:31

Ɉeroboamə ə haláá kulɔiɠaa hee, ɛlɛɛ, ə ɉaláá laa həli nuą həɠə lɔ nuą lɔwai, yiliɠaai di hvo kɛ a Levi nu huwu ta.

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa dɔlɔɔ 15:12

Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Tɔɔɓɛlaa dɔlɔɔ 20:23

Aramə tɔɔmun bɔ nuą di mo mą, diɛ mą: «'Nuąi tii di wɔ Yálái kaa a yee hu Yálá, yili ɓə gɛ di yee yɛ tɛɛ la guɔ; gu kɔ́ pɛlɛ kɛa diɛ nɛ̨ŋɛ̨ hu. Ku laai na kuɔ gu yee a kiɛ tɛɛ diɛ.

Tɔɔɓɛlaa dɔlɔɔ 3:2

Nąąlɔwai tii, nuą di kɛi ni haláá kulɔ ɲeeɠaa ɓa, ɓɛi di nąą pɛli; mąąhɔlɔɓo, di hvo nii kɛ pɛlɛ́ tɔɔ li a Yai-Laa nwɔɔ.

Tɔɔɓɛlaa dɔlɔɔ 3:3

Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Tɔɔɓɛlaa veelɛ 16:4

Ə haláá kulɔ, ə lansan kələn nuą di wɔ hali kɔ́iɠaa tii ɓa, da ɲee kpukpuɠaa tona, ə mą kɛ, da wulu kpɛa kpɛaa mu, yiiɠaai kɛ di laa ŋąąnɛ̨ɛ̨ diɛ.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 17:19

Ɉuda yaa kpɛli mąn, hvo kɛ Yai-Laa nwɔ Yálái nwɔ tíɓoɠaa kɛ li; diɛ kpɛli, bələi Israɛlə nuą di túwɔ́ la, di kɛ mɛ̨nįɠaa tii ɓə di hvilɛn bulu.

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Kɔlɔnikɔ Veerɛi 28:4

Ə kɛi haláá kulɔ, yɛ lansan kələn ɉali kɔ́iɠaa ɓa, ɲeeɠaa tonna, da nwɛlaɠaa hu.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Azaya 57:5

Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Ɉeremi 17:2

Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Izikiɛ 6:3

'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Mise 5:14

Nɔiɠaai kpɔ tii di hvo tí mą́ą́, gáá pai nwą́ną kulɔi diɛ, a liihvoli, da lii kələn gwəi.»

Dutɛrɔnome 12:2

Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

Dutɛrɔnome 16:22

Ka hvə kwɛni ta tɔɔ a ka mąą mɛ̨nį. Mɛ̨nįɠaa tii wɛli kpɛɛi Yai-Laa ka wɔ Yálái ɓa kpɔ tɛ̨ɛ̨tɛ̨ɛ̨.