Tɔɔɓɛlaa dɔlɔɔ 14:21 - Yálá laawoo hɛɓɛ (dc)

²¹ Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Yálá laawoo hɛɓɛ

²¹ Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Bible

²¹ Saloma ǹóŋ Leoboaŋ è kɛ̀ a kâloŋ Zuda. È kɛ̀ a kóraŋ buu náaŋ káo tɔnɔ gâloŋ-laai sɔlɔ ƃóɔɔ m̀ii. È ŋɔkâloŋ-laai kɛ̀ Zerusâlɛŋ a kôraŋ puu káo lɔ́ɔlu mɛi feerɛ, daa-lêei su Yâwɛɛ è zìɣe zu Eezuɛ ŋɔsîi-ŋai kélee sáma nyíi è ǹáa sèe mai. Ǹee láa ƃé kɛ̀ a Neema. È kɛ̀ a Amɔŋ nuu.

Tɔɔɓɛlaa dɔlɔɔ 14:21 ပူးပေါင်းရင်းမြစ်များ

Tɔɔɓɛlaa dɔlɔɔ 11:1

Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Tɔɔɓɛlaa dɔlɔɔ 11:32

Ɛlɛɛ, nu huwu tɔ̨nɔ̨ lɔ ɓə pai lɛɛi ɲəi, nwɔ́ tímun Davidə mąą mɛ̨nį ɓa, da Ɉerusalɛmə mąą mɛ̨nį, yai ŋą́ ɉəɠə ɉu Israɛlə nu huwuɠaa kəlee lɔwai.

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 11:43

Yili pulu, Salomɔn ə laa nąnni kwɛlɛ. Di bowa loo Davidə taa. Salomɔn lon Roboamə ə hee dɔɔ kpəlin ɉu a nąn mąą hvalin.

Tɔɔɓɛlaa dɔlɔɔ 12:17

Kɛlaa, Israɛlə lonnii yiiɠaai kɛ heeni Ɉuda taaɠaa hu, Roboamə ə lɛɛ di mɛ̨i a di wɔɔ tɔɔmun.

Tɔɔɓɛlaa dɔlɔɔ 14:20

Ɉeroboamə nwɔ tɔɔlaai ə lamun ɉu a kwɛlan bow hveelɛ kɔ́w hveelɛ, ə laa nąnni kwɛlɛ. Non Nadabə ə hee a mąąhvalin.

Tɔɔɓɛlaa dɔlɔɔ 14:31

Roboamə ə laa nąnnii kwɛlɛ, di bowa loo nąnni kámą hu Davidə taa. Roboamə lon Abiyamə ɓə hee dɔɔkpəli ɉu a nąn mąąhvalin. Roboamə nee laa ɓa kɛ a Naama, Amɔn lon.

Tɔɔɓɛlaa dɔlɔɔ 22:42

Ɉosafatə kaa kwɛlan ə kɛ pow haaɓa kɔ́w lɔɔli, ɓɛlɔwai ə dɔɔlaa həɠə la. Ə kwɛlan bow hveelɛ kɔ́w lɔɔli kɛ dɔɔlaa hu Ɉerusalɛmə. Ɉosafatə nee laa ɓa kɛ a: Azuva, yai kɛ a Silhi lon.

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Tɔɔɓɛlaa dɔlɔɔ 8:29

Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Tɔɔɓɛlaa dɔlɔɔ 8:44

«Ə́ wɔ nu huwui aa kɛi pa lii kɔ́ pɛlɛi ɲowoɠaa diɛ, yɛ ɉon a bələi ə́ kaa pai nɛi mą, da ə́ hvɛli daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa mąą mɛ̨nį ɓa,

Kɔlɔnikɔ Veerɛi 12:1

Yii kɛa Roboamə nwɔ tɔɔlaai ə hee kpɔ tin-tin, ɉu ə walawala, ə Yai-Laa nwɔ tɔ́n nwooi lɛɛ laa, Israɛlə nuą kəlee di hvilɛn bulu.

Kɔlɔnikɔ Veerɛi 12:13

Roboamə nwɔ tɔɔlaai hu ə walawala Ɉerusalɛmə. Ə tɔɔlaa kɛ; gaa kwɛlan ə kɛ pow nąąn gɔw tanɔ̨n ɓɛlɔwai ə dɔɔlaa hɔlɔɓo la. Ə tɔɔlaa kɛ a kwɛlan bow gɔw mɛ̨ihveelɛ yee mu Ɉerusalɛmə daai. Daa tii ɓə Yai-Laa ə ɉəɠə ɉu Israɛlə taaɠaa kəlee lɔwai, ə naa hee mą. Roboamə nee laa ɓaa kɛ a Naama, nɛ̨ɛ̨nui tii ə kɛ a Amɔn nɛ̨ɛ̨nu.

Kɔlɔnikɔ Veerɛi 13:7

Ya ɓə, toonwunma nuą da nu kpoloonŋąą, di di ɲąąkpɔn gwɛlɛ, di tɔɔ Salomɔn lon Roboamə la. Roboamə ə kɛ a hulɔnon, nii hvo kɛ kpələ li, hvo pɛli tɔɔi di tɔwɔ.

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Dutɛrɔnome 12:21

Gɛɛnąąi Yai-Laa kaa pai ɲee kpuwɔ lɛi mą, yɛ naa hee laa. Akɛ nąą a kɛ a gwɛaa kaa, ka pɛli mą ka nįŋɛ̨ ta paa, awala kɛ tii ɓɛlaa da ɓolu ta, yii lɔpee Yai-Laa ka wɔ Yálái kaa pai dɛɛi ka pɔ, ka gɛ lɔ yɛ bələi gáá pai moi la kaa; ɛlɛɛ ka da mįi ka wɔ taaɠaa hu, yɛ bələi ka káá pai kɛi la bɔ.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 23:3

Wɛlilon va lɔ Yai-Laa nwɔ haláá ɲąąkpɔn ɉu, ə mą kɛ, mąnįn bulu mąnįnŋąą daa kɛ pow, di hva lɔ Yai-Laa nwɔ haláá ɲąąkpɔn ɉu.