Tɔɔɓɛlaa dɔlɔɔ 14:15 - Yálá laawoo hɛɓɛ (dc)

¹⁵ Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Yálá laawoo hɛɓɛ

¹⁵ Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Bible

¹⁵ Yâwɛɛ a pâi Eezuɛ kula maa kɛ̂i. A pâi kɛ̂i yɛ̂ɛ kpalo a kɛ̀ túmo-tûmoi yá ŋá. A pâi Eezuɛ kulâi ǹɔii lɛ́lɛɛi ŋí ma nyíi è dɛ̀ɛ dínâŋ pɔlɔ-ŋai pɔ́i. A pâi dítaa-taai Yufeletii Ya-leei pôlu pere, kpɛ́ni fêi, dí ǹíi ŋwàna a wúru kôya-ŋa tɔ̀ɔ díɣâlai Asira fɛ̀li mɛni ma.

Tɔɔɓɛlaa dɔlɔɔ 14:15 ပူးပေါင်းရင်းမြစ်များ

Mąątɛ̨nɛ̨ 52:5

Yá mɛ̨nį ɲɔ̨n viɛlaɓo mɛ̨nį lɛlɛɛ ɓa. Yɛ́ lɛɛ hviɛlaɓo tɛ̨ą ɓa.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Hanwon 2:22

Kɛlaa, nwąnąlɔ nuą, da nuąi di hvo haŋą li, da di kpɛ nɔi.

Gɛlaɠaa 7:43

Kɛlɛi, Molokə ŋą pɛlɛ́ lon mə ka kɛi gbəɠə kaa hiɛ la, da ka wɔ yálá Refan nwɔ pɛmɛ̨lɛ̨n-gɔw; a ɉɛn mąąnįnįnŋaa ti ká bɛli, káá kwɛli hvilɛn mą. Bələ lɔ ɓə gáá pai lii la a káá, kpɔ Babilonə pulu pələ.›

Lukə 7:24

Ɓɛlɔwai Ɉaan-Batistə nwɔ kalan nɛai di di pulu pənə la, diɛ li, Jesus ə kɛi Ɉaan-Batistə mąą mɛ̨nį hukulɔ la nu kpului tii kɛ laa diɛ, yɛ diɛ: «Ka li ɲɛa lɔi pun ɉu, lə ɓə ka gaa laa? Akɛti, hveen gbaɠa yii hvaŋą a dumo ya ɓə? Kpaa-o!

Maafîu 15:13

Ə́ di woo ŋąąpənə yɛ diɛ: «Wulu yii kpɔ, Ną́n Yálá gaa yələkɔlɔn ɉu hvo ɉi li, da gulɔ.

Maafîu 11:7

Yii kɛa Ɉaan nwɔ kalan nɛai di kɛi li, Jesus ə kɛi Ɉaan mąą mɛ̨nį hukulɔ nu kpului tii ɓa, yɛ kɛ diɛ: «Líi ka mo nɔi pun ɉu, lə ɓə ka gaa? Hveen gbaɠa yii hvaŋą a dumo ya ɓə mɔ̨ɔ̨?

Sofoni 2:4

Gaza kaa pai lɛɛi a lɔi pun, Askelɔn hu kaa pai kalai, Asdɔdə nuą kaa həɠəi di heei a hvóló ŋą ɉə-ɉə, ɛlɛɛ, diɛ pa Ɛkrɔn nuą pɔ taai.

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Levetekɔ 26:43

A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Tɔɔɓɛlaa veelɛ 17:11

Ɉali kɔ́iɠaa kəlee ɓa, di kɛi lansan kələn naa, yɛ bələi nu huwuɠaai Yai-Laa ə di kpɛ di ɲɛ̨itɔwɔ di kɛi gɛ la. Di kɛi mɛ̨nį ɲɔ̨nŋaa kɛ a Yai-Laa nwąną lɔ pələ.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»