Tɔɔɓɛlaa dɔlɔɔ 14:10 - Yálá laawoo hɛɓɛ (dc)

¹⁰ Yili mąą mɛ̨nį ɓa, gáá hinąą kpɛɛi Ɉeroboamə yəi bɛlɛ́n, yɛi kɛ a luwɔ a wala kɛ tii lɛɛ gbɔwɔ ɓa mun ɓɛ Israɛlə lɔi hu. Gáá pai Ɉeroboamə yəi bɛlɛ́n nonnii kələi yə bələi da kala kələ la.

Yálá laawoo hɛɓɛ

¹⁰ Yili mąą mɛ̨nį ɓa, gáá hinąą kpɛɛi Ɉeroboamə yəi bɛlɛ́n, yɛi kɛ a luwɔ a wala kɛ tii lɛɛ gbɔwɔ ɓa mun ɓɛ Israɛlə lɔi hu. Gáá pai Ɉeroboamə yəi bɛlɛ́n nonnii kələi yə bələi da kala kələ la.

Bible

¹⁰ Ísɔŋ a gɛ́ ŋa pâi pâi a mɛni kpɔ̂lu Zɛroboaŋ ŋɔpɛ́rɛi ma. Ŋa pâi zinâai kélee su-karâi ŋɔpɛ́rɛi mu Eezuɛ. É máŋ kɛ́ a luɛ kpaa máŋ núu ŋuŋ-ma ƃóɔɔ. Ŋa pâi Zɛroboaŋ ŋɔpɛ́rɛi kêrenii yɛ̂ɛ núu a túluŋ kèreŋ é lɛ́ɛ la zu gélee é kpɛ́ɛ.

Tɔɔɓɛlaa dɔlɔɔ 14:10 ပူးပေါင်းရင်းမြစ်များ

Tɔɔɓɛlaa dɔlɔɔ 13:34

Yili ɓə kɛ a nɛ̨ŋɛ̨n Ɉeroboamə nwɔ pɛ́lɛ́i ə ɉəɠə yaa li. Yili mąą mɛ̨nį ɓə gɛ, ɉuwu yɛ kpɛɛ lɔi mɛ̨i.

Tɔɔɓɛlaa dɔlɔɔ 16:11

Ə dɔɔlaa hɔlɔɓo lɔ, ə lɛɛ heeni dɔɔkpəlin ɉu, ə Baesa yəi bɛlɛ́n nuą kəlee paa. Hvo kpɛli nu ta lɛɛ, ə kɛ a hulɔnu ə kɛ a nɛ̨ɛ̨nu, ə ma kpɛli kɛ bɔ mun da.

Tɔɔɓɛlaa dɔlɔɔ 16:3

Yili mąą mɛ̨nį ɓa, gáá pai Baesa da nwɔ pɛ́lɛ́i di kələi yɛ kala. Bələi tii ŋą́ Nevatə lon Ɉeroboamə nwɔ pɛ́lɛ́i kɛ la, bələ ɓə gáá gɛi la a nwɔ pɛ́lɛ́i.

Tɔɔɓɛlaa dɔlɔɔ 21:21

Mɛ̨nį Yai-Laa ə mo ya ka; yɛ diɛ: Gáá pai kpalo ɓɛlai Akabə ɓa: gáá pai ə́ huwu kpɛɛi lɔi mɛ̨i, ə mą kɛ, yii ə́ laa kaa mą.

Tɔɔɓɛlaa veelɛ 14:26

Nwumɛ̨ mɛ̨nį ɲąąnwąnąąi Israɛlə ə kɛ ɉu, Yai-Laa ə nąą kaa, nu ta lɔpee hvo hɔlɔɓo, yɛ pɛli kpɔnmąą tɛɛi Israɛlə nuą pɔ, yɛ ə kɛ a luwɔ-oo, yɛ kɛ a kaa lon, nu ta hvo hɔlɔɓo a Israɛlə kulɔ ɉu mun.

Tɔɔɓɛlaa veelɛ 21:13

Bələi ŋą́ Samari lɔi kala la da Akabə nwɔ pɛ́lɛ́i, bələ ɓə gáá pai Ɉerusalɛmə taa kalai la. Gáá pai Ɉerusalɛmə hu waai, yɛ da kɛi hɛnɲąŋą hu waa.

Tɔɔɓɛlaa veelɛ 9:37

ɛlɛɛ, Ɉezabɛlə kaa pai kɛi yɛ tuluun bɔlɔ Izreɛlə ɲɛɛ kɔ́wɔ hu, nu ta hva kɛ diɛ: «Ɉezabɛlə kámą ka.»›»

Zôo 20:7

Gaa pai kpɛɛi lɔ yɛ nwɔ hįį pulu, ɲali bulu hva kɛ mą. Nuąi kɛi gaa, diɛ kɛ diɛ: «A kɛ ti gaa kɛa mi?»

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Izikiɛ 26:4

Di kaa pai ə́ mąą kpɛ-hį́į́ɠaa pui, di ə́ mąą kɔ̨nwɔ̨ pɛlɛ́ɠaa wolo; gáá pai ɉu-muluun gələi; gɛ́ nwɔ kwɛni kpuwuluɠaai lɛɛ lɔ a di mɛ̨i ponoɔ.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Malasi 2:3

Yii hu, gáá mą́ą́pamąi ka huwu hu nuą diɛ. Yii ɓaa ka wɛi, daatɛlɛɛɠaai kpɔ kaa gələn ka wɔ hɛli pu pələ tɛitɛi kəlee hu, gáá pai nuwui tii kəlee taɠai ka ɲɛ̨ilaai, di ka diɛni ka kələn.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Samuɛlə dɔlɔɔ 25:22

Mɛ̨nįi mąąnɛ̨ɛ̨ Yálá ə naa Davidə ɲowoɠaa diɛ, ə naa Davidə ɓa, akɛ Navalə yəi bɛlɛ́n mun dɔ̨nɔ̨ kpɛli a lɛɛ a vulú yələ ə ɓɔ.»

Samuɛlə dɔlɔɔ 25:34

Kɛlaa, a tɛ̨ą, yii kpɔ Yai-Laa Israɛlə nwɔ Yálái kaa a vulú, hvo hvaa mą və́ mɛ̨nį ɲɔ̨n gɛ a yɛ́, yai kpəɲąn dɔ́wɔ́, yá wala kɛ pa hvo náákwiɛn, tínąą yələ wala pɔ, hɛn nɔpee ta hvo li lɛɛ Navalə yəi bɛlɛ́n a vulú, yii a nwɛlaa tɛ pɛlɛ́ ɓa.»