Tɔɔɓɛlaa dɔlɔɔ 13:3 - Yálá laawoo hɛɓɛ (dc)

³ Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Yálá laawoo hɛɓɛ

³ Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Bible

³ M̀aa ɣele tɔnɔ tí ŋ̀âla naloŋ tí è ŋɛi-kɛ-maa lɛ̀: “Ŋ̀ɛi-kɛ-maai ká ŋí Yâwɛɛ a nɛ̀i: Ŋ̀âla-teƃelei a pâi ƃêlai gîe ma ǹyaŋ ǹuu-ŋai ŋ̀ái da pâi pûi.”

Tɔɔɓɛlaa dɔlɔɔ 13:3 ပူးပေါင်းရင်းမြစ်များ

Tɔɔɓɛlaa dɔlɔɔ 13:4

Mɛ̨nįɠaa tii Yálá nwɔ nu ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, tɔɔmun Ɉeroboamə ə mɛ̨n nɔ, ɲee tii kɛ ɉaláá kulɔ taɓali ɓa, ə ɉaŋą, yɛ diɛ: «Ka ɉon!» Ɲee ə lɛɛ a ɉaŋąą tii, ə kpala mą, hvo kɛa pɛli nɛɠɛi mą.

Tɔɔɓɛlaa veelɛ 20:8

Ezekiasə yɛ Esai ɓa: «Ŋą́ pɛli gbaɠala kaai ləi, gɛ́ kɛ diɛ, Yai-Laa kaa pai máloi, ə lɛɛ, hvóló haaɓa tɛɛ pulu, gɛ́ pɛli lii Yai-Laa yəi bɛlɛ́n?»

Lɛɛ gbɔwɔ ɓa 4:1

Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Lɛɛ gbɔwɔ ɓa 7:10

Moisə da Aarɔn di li di həli Eziptə tɔɔmun ma, bələi ti Yai-Laa ə di tí la, di gɛ tii. Aarɔn ə nwɔ tunwɔ̨n pili tɔɔmun da nwɔ ɲɛ̨i tɔwɔ nuą di lííla, dunwɔ̨n ə mąą pənə a kaalə.

Azaya 38:22

Ya ɓə Ezekiasə a kɛ diɛ: «Ŋą́ pɛli gbaɠala kaai ləi gɛ́ kɛ gáá pai pɛlii tɛi Yai-Laa nwɔ pɛlɛ́i mu?»

Ɉeremi 44:29

Ɲą́ą́ Yai-Laa nwóó ka, ɉɛn ka káá pai gɔlɔn ɉii la, kaa gáá pai mɛ̨nį laai káá, nwóó tii ŋą́ mo bɔ mɛ̨nį kaa kɛi, ya ka:

Ɉaan 2:18

Ɉuifə nwun nąmįną di mąąni kɛ diɛ mą: «Kpalo mɛ̨nį lə kɛɛ ɓə ya pɛli gɛi, ə gɛ, ə́ nɛ kuɔ, yɛ diɛ: mɛ̨nį ŋɛ̨i ə́ kaa gɛi mąą laa tɛɛi ə́ pɔ?»

Korɛntə dɔlɔɔ 1:22

Ɉuifəɠaa di kaa kpalo mɛ̨nį hvɛlii, Grɛkəɠaa diɛ kilikɛɲəi kwɛli;

Nwun mąąɓo 6:17

Zedeɔn yɛ nwɔ̨nɔ̨ mą: «Akɛ yáá ɉəɠə ɉu, mɛ̨nį ta lɛ mą́ą́, yii a nɛ yɛ, Yai-Laa yɛ́ ka tii mɛ̨nį ɓoi mą́ą́.

Samuɛlə dɔlɔɔ 2:34

Ə kaa pai yili kpaɠala kaai a mɛ̨nįi pai laai ə́ lonnii hveelɛi ŋɛ̨i Hɔfni da Pinasə diɛ, di kaa pai haai a hvóló tɔ̨nɔ̨.