Tɔɔɓɛlaa dɔlɔɔ 13:26 - Yálá laawoo hɛɓɛ (dc)

²⁶ Yálá kwəi mɛ̨nį hukulɔ hulɔgoloi mɛlan ɲali bulu, ə bələ mɛ̨n, yɛ diɛ: «Yálá nwɔ nui li, yai kulɔ nwoo mu, ya ka tii, Yai-Laa aa dɛɛ yala pɔ, yili aa gɔwɠaa yali, aa baa, yɛ bələi Yai-Laa ə mo la mą.»

Yálá laawoo hɛɓɛ

²⁶ Yálá kwəi mɛ̨nį hukulɔ hulɔgoloi mɛlan ɲali bulu, ə bələ mɛ̨n, yɛ diɛ: «Yálá nwɔ nui li, yai kulɔ nwoo mu, ya ka tii, Yai-Laa aa dɛɛ yala pɔ, yili aa gɔwɠaa yali, aa baa, yɛ bələi Yai-Laa ə mo la mą.»

Bible

²⁶ Ɣâla ŋɔlóno kɛ́-nuu pɔlɔi pà la pôlui kɛ́ɛ a mɛ̀nii, è mò ǹyɛɛ, “Ɣâla ŋɔlóno kɛ́-nuui pɔlɔi kùla Zudai ká tí. È Yâwɛɛ wóo pìli. Ǹya ƃé è dɛ̀ɛ la ǹyala-sului pɔ́ é báa.”

Tɔɔɓɛlaa dɔlɔɔ 13:26 ပူးပေါင်းရင်းမြစ်များ

Samia Veerɛi 12:10

Yili ɓai tii, kɔ́ ɓɔwa maa hva kɛa kwɛa ə́ wɔ pɛlɛ́i ɓa, mąąhɔlɔɓo, yaa tɛgɛɓo ɉú, yɛ́ Hɛtə mun Uri nɛ̨ą həɠə yɛ lɛɛ ə́ yəi a ə́ nɛ̨ą.

Samia Veerɛi 12:14

Kɛlaa, gɛ mɛ̨nį yaa Yai-Laa ɓɛlɛkpɛɛ ma a dúwɔ́ ŋɛ̨i ə́ moi, non ɉulɔnui tii hɔlɔɓo, gaa pai haai.»

Tɔɔɓɛlaa dɔlɔɔ 13:25

Nuą di kɛi tɛɛ, di bowa kaa tooni bələi, ɲala ə ɓo bowa kwɛlɛ; di pa di ɉukulɔ daai, Yálá kwəi mɛ̨nį hukulɔ hulɔgoloi ɓa.

Tɔɔɓɛlaa dɔlɔɔ 13:27

Yɛ nonnii diɛ: «Ka ɉoohvaalən ɉąą yili.»

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Korɛntə dɔlɔɔ 11:30

Mɛ̨nįi gɛi, nu tamąą kaa la ká lɔwai, a ɲɔ̨n gɛ nuą, daɠaa kpɛɠii ə ɓo diɛ, ɛlɛɛ, damąą daa haa.

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?