Tɔɔɓɛlaa dɔlɔɔ 13:1 - Yálá laawoo hɛɓɛ (dc)

¹ Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Yálá laawoo hɛɓɛ

¹ Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Bible

¹ Yâwɛɛ è gɛ̀, Ɣâla naloŋ tɔnɔ è kúla Zuda è pá Bɛtɛ, Zɛroboaŋ kɛ́ɛ tɔɔni kɛ̀ ŋ̀âla-teƃelei kɔlɛ a gɛ́ɛ é sáma-sãa tɛɛi.

Tɔɔɓɛlaa dɔlɔɔ 13:1 ပူးပေါင်းရင်းမြစ်များ

Tɔɔɓɛlaa dɔlɔɔ 12:22

Kɛlaa, Yálá hvaa wo ə too Yálá nwɔ nu Semaya wəlii, yɛ kɛ mą:

Tɔɔɓɛlaa dɔlɔɔ 13:26

Yálá kwəi mɛ̨nį hukulɔ hulɔgoloi mɛlan ɲali bulu, ə bələ mɛ̨n, yɛ diɛ: «Yálá nwɔ nui li, yai kulɔ nwoo mu, ya ka tii, Yai-Laa aa dɛɛ yala pɔ, yili aa gɔwɠaa yali, aa baa, yɛ bələi Yai-Laa ə mo la mą.»

Tɔɔɓɛlaa dɔlɔɔ 13:32

Mąąhɔlɔɓo, mɛ̨nįi tii ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, da ɉaláá kulɔ pɛlɛ́ɠaa kpɔ Samari diɛ, Yai-Laa woo li kɛ; mɛ̨nįi tii pɔ mɛ̨nį kaa pai kɛi.»

Tɔɔɓɛlaa dɔlɔɔ 13:5

Nąąlɔwai, ɉaláá kulɔ taɓali ə ɓɛla, nuwu ə kulɔ daɓali mɛ̨i ə pu kpɔlɔi yɛ bələi di mo la, ɛlɛɛ, Yálá nwɔ nui ə nɛ a mɛ̨nį tii gɔlɔn ɉɛn.

Tɔɔɓɛlaa dɔlɔɔ 13:9

Mɛ̨nįi di mo mą́ą́, ya ka: Yai-Laa ɓə mo, yɛ mą́ą́: 'Hvó kɔ̨nɔ̨n mįi laa, hvó ə́ kpələ laa; yá kɛi ə́ pulu pənə, hvó tɛɛ a bələ tɔ̨nɔ̨i tii ə́ həɠə la yɛ́ pa.»

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Tɔɔɓɛlaa veelɛ 23:17

Ɉosiasə ə pənə ə mąnįngɛ kɛ, yɛ diɛ: «Lə kwɛni kalan ɓə tii gáá gaai?» Daa nuą diɛ mą: «Mɛ̨nįɠaa ŋɛ̨i ə́ kaa gɛi ɓɛ Betɛlə ɉaláá kulɔi ɓa, Yálá nwɔ nui ŋɛ̨i wɔlɔ həɠə Ɉuda, yɛ pa moi gáma li.»

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Kɔlɔnikɔ Veerɛi 26:18

Di mo tɔɔmun Oziasə ɓa, diɛ mą: «Yɛ́ hvəi ə́ mąąnɛ̨ɛ̨ ə́ lansan kələn Yai-Laa ɓa, kɛlaa, ɉaláá laa həli nuą ŋɛ̨i a Aarɔn lonnii, diɛ ɓə. Diɛ ɓə di laakwɛlanmoɔ golói tii kɛɛ ɓa! 'Tɛɛ ə́ kulɔ! Mąąhɔlɔɓo, yáá pulu kulɔ mɛ̨nį kɛ! Ə́ ɲɛ̨i pɔ̨nɔ̨ mɛ̨nį hvaa a yii Yai-Laa mąą mɛ̨nį hu!»

Kɔlɔnikɔ Veerɛi 9:29

Salomɔn kɛ mɛ̨nį takpɛliɠaa tii, ə həɠə dɔlɔɔ tɔlɔɔɠaa ɓa, ə həli la gbəlamąąɠaa ɓa, di pɛ̨ɛ̨i Yálá kwəi mɛ̨nį hukulɔ mun Natan ŋą hɛɓɛ́i hu, da pɛ̨ɛ̨ Yálá kwəi mɛ̨nį hukulɔ mun Ahiya ŋɛ̨i kɛ Silo nwɛi hu, da gwɛlɛɛn gɛɛ kaamun Yedo nwɔ hɛɓɛ́í hu, gwɛlɛɛn gɛɛ ŋɛ̨i ə gaa yɛ hvilɛn na Nevatə lon Ɉeroboamə ɓa.

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Amɔsə 7:13

Kɛlaa, Betɛlə daai ɓɛ, hvo kɛa pai pɛli Yálá mąą mɛ̨nį ɓoi ɓɛ daai, mąąhɔlɔɓo, ɓɛ kaa a tɔɔmun nwɔ haláá kulɔi, da nwɔ tɔɔ hee taa.»

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Tɛsalonikə dɔlɔɔ 4:15

Mɛ̨nįi kuɔ ku mo káa, yɛ kulɔ gu Ną́mu hvaa woo hu, ya ka: Guɔ pai lɛɛ a gu hvulú, gu Nąmu pa yələ yɛ həli, gu hvo pai tɛɛi nuąi daa haa di tɔwɔ.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.

Samuɛlə dɔlɔɔ 2:27

Yálá kwəi mɛ̨nį hukulɔ mun da ə pa, ə Eli kaa, yɛ mą: «Mɛ̨nįi Yai-Laa aa mo ya ka: ‹Ŋą́ gbɔ́ɔ́ lɛ ka nąnni diɛ, ɓɛlɔwai di kɛ la Eziptə tɔɔmun ɲee mu luwɔlaa hu,

Samuɛlə dɔlɔɔ 9:6

Yili yɛ Saulə ɓa: «Kɛlɛi Yálá nwɔ nu ta kaa daa ŋɛ̨i hu-ee! Ɉulɔnui tii laa tɛɛi, yii a mo, a kɛ, hva ɉəɠə mą. Gwə li laa, gaa kiɛ pai gu tənən dɔɔi ɉiɛi ŋɛ̨i gu gulɔ mąą mɛ̨nį hu.»