Tɔɔɓɛlaa dɔlɔɔ 12:15 - Yálá laawoo hɛɓɛ (dc)

¹⁵ Tɔɔmun və nwəli tɔɔ nuą woo ɓa, bələ ɓə Yai-Laa ə tɛɛ la mɛ̨nįi tii ta ə mo Silo mun Ahiya laaləi, yɛ mo Nevatə lon Ɉeroboamə ɓa, yɛ bɔ mɛ̨nį kɛ.

Yálá laawoo hɛɓɛ

¹⁵ Tɔɔmun və nwəli tɔɔ nuą woo ɓa, bələ ɓə Yai-Laa ə tɛɛ la mɛ̨nįi tii ta ə mo Silo mun Ahiya laaləi, yɛ mo Nevatə lon Ɉeroboamə ɓa, yɛ bɔ mɛ̨nį kɛ.

Bible

¹⁵ Gâloŋ fé ŋ̀óli tɔɔ ní ǹûai dîa, kpɛ́ni fêi, mɛnii sîi ŋí è kùla Yâwɛɛ yêei a gɛ́ɛ m̀ɛnii Yâwɛɛ è mò Neba ǹóŋ Zɛroboaŋ ma Silo-nuui Aiza sârai ŋàa-see é kɛ́.

Tɔɔɓɛlaa dɔlɔɔ 12:15 ပူးပေါင်းရင်းမြစ်များ

Zɛnɛse 24:50

Betuɛlə da non ɉulɔnu Laban di nwoo ŋąąpənə, diɛ mą: «Yai-Laa kpinįi ɓə aa pələ laa mɛ̨nį ŋɛ̨i hu, ku hva kpɛli yili ɉeatooi.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Tɔɔɓɛlaa dɔlɔɔ 12:24

Yai-Laa woo ka: ‹Ka hvo kɛ ka káá kɔ́ pɛlɛi ka kaayɔwɔɠaa Israɛlə lonnii diɛ, nu kəlee ə pənə ə li bɔɔli. Mąąhɔlɔɓo, mɛ̨nįi ŋɛ̨i, ɲą́ą́ ɓə gɛ.›» Di di wəli tɔɔ Yai-Laa woo ɓa, di yali di pulu, yɛ bələi Yai-Laa ə mo la diɛ.

Tɔɔɓɛlaa dɔlɔɔ 22:23

Yiihu kɛa, yáá gaa tii, Yai-Laa aa lɛɛ kili too ə́ wɔ Yálá kwəi mɛ̨nį hukulɔ nuąi kəlee kwəi, diɛi di kaa ɓɛ; mąąhɔlɔɓo, Yai-Laa aa wɔlɔ kɛ mɛ̨nį ɲąnwąnąą mąą mɛ̨nį bələ ɓo yɛ hvilɛn na yɛ́.»

Tɔɔɓɛlaa veelɛ 10:10

Mąąnɛ̨ɛ̨ ka kili ə pu ɉu, kaa diɛ, Yai-Laa wooi ə mo yɛ hvilɛn Akabə nwɔ pɛ́lɛ́i ɓa, dɔ̨nɔ̨ kpɛli hva lɛɛ tooni kpɛli-kpɛli. Mɛ̨nįi Yai-Laa ə mo nwɔ tímun Eli laaləi, aa gəlee pɔ mɛ̨nį kɛ.»

Tɔɔɓɛlaa veelɛ 9:36

Di pənə di pa di mo Ɉehu ɓa. Ɉehu yɛ diɛ: «Nwooi Yai-Laa ə wɔlɔ bu nwɔ tímun Tisbe mun Eli la, yɛ mo, ya kpɔlɔɔ ka tii naa aa hon. Yai ə kɛ mą: ‹Yilɛɠaa kaa pai Ɉezabɛlə huwɔ mįi Izreɛlə díi hu,

Kɔlɔnikɔ Veerɛi 10:15

Ka gaa tɔɔmun hvo nwəli tɔɔ nuą woo ɓa, Yálá ɓə hvaa tii mą, əgɛ, mɛ̨nįi tii Yai-Laa ə bu Silo mun Ahiya la, yɛ mo Nevatə lon Ɉeroboamə ɓa, bɔ mɛ̨nį kɛ mɛ̨nį ɓə.

Kɔlɔnikɔ Veerɛi 22:7

Akaziasə nwun na pili mɛ̨nį ə həɠə Yálá pɔ, a lii tii ə mo nwoo pilii Yoramə ɓa. Pai ə mo, da Yoramə di kulɔ diɛ li Nimsi lon Ɉehu laakwiɛn ɉii, a yaa tii Yai-Laa ə dɔɔ wulɔ hiɛ mą, əgɛ, ə Akabə nwɔ pɛlɛ́i pu.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Kɔlɔnikɔ Veerɛi 25:20

Kɛlaa Amasiasə hvo nwəli tɔɔ mą; Yálá ɓə yili kɛ. Yálá ə kɛ bɔ nwun ə lɛɛ gɔi tii hu, mąąhɔlɔɓo, ə kɛi kwɛli hvilɛn Edɔmə haliɠaa diɛ.

Mąątɛ̨nɛ̨ 5:10

A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 3:17

«Kɛlaa yaamun, nąn nonnii, gílí kaa ɉu gɛ́ ká tuwɔ́ tii, ká tɛɠii, ə mą kɛ ka ɲɛ̨itɔwɔ nuą.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.

Nwun mąąɓo 14:4

Samsɔn nee da nąn di kili hvo kɛ ɉu diɛ kɛ Yai-Laa nwɔ mɛ̨nį pɛliɛ li, ə gɛ, Samsɔn ə li ə hvaa tee Filisti nuą diɛ. Nąąlɔwai, Filisti nuą ɓə kɛ di heɛ Israɛlə nuą mɛ̨i.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»