Tɔɔɓɛlaa dɔlɔɔ 11:7 - Yálá laawoo hɛɓɛ (dc)

⁷ Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Yálá laawoo hɛɓɛ

⁷ Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Bible

⁷ È Ɣâla fɛli kwaa ma kpɛ̀tɛ Zerusâlɛŋ ǹyéei ma vóloi kulâi-pere, Môa-ŋai díɣâla nyɔ́mɔɔi Kemɔ nyíi kɛ̀ a m̀ɛlɛ kpɛɛ Yâwɛɛ koi fɛli mɛni ma da Amɔŋ-ŋai díɣîalai Molɛ.

Tɔɔɓɛlaa dɔlɔɔ 11:7 ပူးပေါင်းရင်းမြစ်များ

Zɛnɛse 33:2

Ə nwɔ tínɛ̨ąi tɔɔ tɔwɔ da di lonnii, Lea da nwɛiɠaai di lɛɛ nąą pulu, Rasɛlə da Ɉosɛfə di lɛɛ a gbəli.

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Tɔɔɓɛlaa dɔlɔɔ 11:6

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Salomɔn ə ɲee lɔ ɉu; hvo lɛɛ Yai-Laa pulu ɲee tɔ̨nɔ̨ mɛ̨i, yɛ bələi nąn Davidə ə gɛ la.

Tɔɔɓɛlaa dɔlɔɔ 11:8

Nɔi pulu nɛ̨ąąi kɛ ɲəi, ə gɛ lɔ tii di wɔ haliɠaai diɛ; diɛ lansan kələn diɛ, diɛ haláá kulɔ di wɔ haliɠaai diɛ.

Tɔɔɓɛlaa dɔlɔɔ 15:12

Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Kɔlɔnikɔ Veerɛi 21:11

Yoramə kpįnįi tii, ə hali kɔ́iɠaa pɛli Ɉuda lɔi hu ɲeeɠaa nwuɔ̨, ə Ɉerusalɛmə nuą ɲąątɔɔ a túwɔ́ pələ ɲɔ̨n mą, ə Ɉuda nuą yee lɔ wɛli mɛ̨nį hu.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Ɉeremi 32:31

Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Ɉeremi 48:46

Lə mąąwɛli mɛ̨nį ɓəi aa laa yɛ́i, Moabə! Kemɔsə nwɔ nuą nwun aa lɛɛ ɉu, di kaa lii a ə́ lon ɉinąą kɔluwɔlaa hu, ə́ lonnii nɛ̨ąą diɛ li luwɔ pələi.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Maafîu 26:30

Yili pulu, nwələi wɔlɔ Moisə ni di kɛi doo pakə hɛli hu, di doo, di kulɔ diɛ tɛ Olivə yee ɓa.

Gɛlaɠaa 1:12

Ɲee ti galan nɛa di kɛ donna Jesus yɛ tɛ yələkɔlɔn ɉu naa ɓa kɛ a Olivə-yee; ɲee ti mąą hvo kɛ kwɛa li Ɉerusalɛmə ɓa, di lɔwai hiɛ a pɛli kɛi a pələ kələn dɔ̨nɔ̨. Galan nɛa di həɠə kɛa ɲee ɓa, di pa taai.

Gɛlaɠaa 1:9

Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Gɛlaɠaa 7:43

Kɛlɛi, Molokə ŋą pɛlɛ́ lon mə ka kɛi gbəɠə kaa hiɛ la, da ka wɔ yálá Refan nwɔ pɛmɛ̨lɛ̨n-gɔw; a ɉɛn mąąnįnįnŋaa ti ká bɛli, káá kwɛli hvilɛn mą. Bələ lɔ ɓə gáá pai lii la a káá, kpɔ Babilonə pulu pələ.›

Dutɛrɔnome 13:14

diɛ kɛ nu kpoloonŋąą daa di muhəɠə ka lɔwai, daa di pɔ taai nuą nwun ɉu lan, diɛ kɛ diɛ: «Ka gu kwɛli hvilɛn yálá takpɛliɠaa diɛ!» A ɲáláɠaa tii ka hvo di kɔ́lɔn,

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.