Tɔɔɓɛlaa dɔlɔɔ 11:4 - Yálá laawoo hɛɓɛ (dc)

⁴ Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Yálá laawoo hɛɓɛ

⁴ Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Bible

⁴ Saloma pɔlɔɔi, ŋɔnɛyâai dí ǹíi pène é pɛ́lɛ Ɣâla da kpɛ́ni-ŋa fɛliɛɛ ma. Ǹíi fé ŋɔ́nɔ kɛ́ ní a guláa Ŋɔɣâlai Yâwɛɛ mɛni ma, yɛ̂ɛ berei ǹâŋ Deeƃé líi è kɛ̀ a guláa lai.

Tɔɔɓɛlaa dɔlɔɔ 11:4 ပူးပေါင်းရင်းမြစ်များ

Tɔɔɓɛlaa dɔlɔɔ 11:2

Nɔiɠaa tii hu nɛ̨ąą ɓə wɔlɔ Yai-Laa ə kɛ diɛ: «Ka hvo da həɠə a ka nɛ̨ą, diɛ mɛ̨n, di hvo ka lonnii ta həɠə a di nɛ̨ą. Ka hvo li di pɔɔli, diɛ kpɛli di pa ka pɔɔli, ə gɛ, di hvo pa ka wɔ kiliŋąhiɛ tinɛ̨n di wɔ haliɠaa pɔ pələ.» Nɔiɠaa tii ɓə Salomɔn ə kanąn diɛ nwɔ wɛli mɛ̨nįɠaa hu.

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:38

Mɛ̨nįɠaa kpɔ gáá pai naai ə́ nwuɔ̨, yá ə́ wəli tɔɔ diɛ, yá hiɛ nwɔ́ pələɠaa hu, mɛ̨nįi ɉaŋąą ɲɛ̨́i ɓa yɛ́ gɛ, ə́ yee ə ɓo nwɔ́ tɔ́n nwooɠaai da nwɔ́ tiɓoɠaa diɛ, yɛ bələi nwɔ́ tímun Davidə ə gɛ la, ŋą́ kɛ ə́ pɔ, ŋą́ pɛlɛ́ tɔɔ yɛ́, a nwalawalaa yɛ bələi ŋą́ dɔɔ la Davidə ɓa; ŋą́ Israɛlə tɛɛ ə́ pɔ,

Tɔɔɓɛlaa dɔlɔɔ 11:42

Salomɔn ə kwɛlan bow nąąn gɛ tɔɔlaa hu Ɉerusalɛmə Israɛlə lɔi nwun na.

Tɔɔɓɛlaa dɔlɔɔ 11:6

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Salomɔn ə ɲee lɔ ɉu; hvo lɛɛ Yai-Laa pulu ɲee tɔ̨nɔ̨ mɛ̨i, yɛ bələi nąn Davidə ə gɛ la.

Tɔɔɓɛlaa dɔlɔɔ 11:9

Yai-Laa ə niiɲąnwąną Salomɔn ɓa, mąąhɔlɔɓo, nwɔ kiliŋąhiɛ aa həɠə kɛ Israɛlə nwɔ Yálá pɔ; yai gbɔwɔ lɛ mą a gee mɛ̨i hveelɛi.

Tɔɔɓɛlaa dɔlɔɔ 14:21

Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Tɔɔɓɛlaa dɔlɔɔ 15:14

Kɛlaa, ɉaláá kulɔiɠaa tii di lɛɛ laa. Ə mą kɛ tii, Asa ə túwɔ́ a ɉaŋąą, ə gwəi kwələ Yai-Laa ɓa nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa dɔlɔɔ 3:3

Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Tɔɔɓɛlaa dɔlɔɔ 8:61

Ka kwəi a kwələ Yai-Laa ka wɔ Yálái ɓa, kaa pɛli hvilɛn ɉii nwɔ tɔ́n nwooɠaai pulu, kaa ka yee hee nwɔ tiɓoɠaai mu, yɛ bələi ka káá gɛi la háákələi.»

Tɔɔɓɛlaa dɔlɔɔ 9:10

Gwɛlan bow hveelɛi tii Salomɔn ə bɛlɛ́ hveelɛi tɔɔ la: Yai-Laa nwɔ pɛ́lɛ́i, da dɔɔ pɛlɛ́; gwɛlanŋąą tii di tɛɛ.

Tɔɔɓɛlaa dɔlɔɔ 9:4

Ə́ wɛi, akɛ yá hiɛ ɲɛ̨́i ɓa yɛ bələi ə́ nąn Davidə ə gɛ la, a kwəi kwələlaa, ə́ tələnmoɔ, yɛ túwɔ́ yɛ bələ ŋą́ ə́ tí la, yá ə́ yee kanąn nwɔ́ tɔ́n nwooɠaai diɛ, da nɔi hon bələi ŋą́ nɛ,

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Kɔlɔnikɔ Veerɛi 17:3

Yai-Laa ə kɛ Ɉosafatə pɔ, gbala ə tɔɔ, ə hvilɛn galá Davidə kpaalə mɛ̨i; hvo kɛ hvilɛn ni li Baalə haliɠaa pulu.

Kɔlɔnikɔ Veerɛi 25:2

Ə túwɔ́ a nɛlɛɛ Yai-Laa ɲɛ̨i ɓa, kɛlaa, gili kəlee hvo kɛ lɔ li dúwɔ́ pələ hu.

Kɔlɔnikɔ Veerɛi 34:2

Ə túwɔ́ a ɉaŋąą Yai-Laa ɲɛ̨i ɓa, ə hvilɛn nąn Davidə kpaalə hu, hvo kpɔ mąąlaa tɔ̨nɔ̨ kpɛli.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Dutɛrɔnome 17:17

Mąą hvo nɛ̨ɛ̨li nɛ̨ą kpulu kɛnɛ̨ hvo kɛ ɲəi, mąąhɔlɔɓo, yili a pɛli nwɔ kiliŋąhiɛ mąą pənəi gwəi, yɛ nwɔ kiliŋąhiɛ hvilɛn wali ɓa a wala kɛ tii, hɛni ɓa, yɛ kɛ diɛ ə kɛ ɲəi kɛnɛ̨.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.