Tɔɔɓɛlaa dɔlɔɔ 10:9 - Yálá laawoo hɛɓɛ (dc)

⁹ Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Yálá laawoo hɛɓɛ

⁹ Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Bible

⁹ Laa-maa-tɛ é tɛ́ɛ Íɣâlai Yâwɛɛ pɔ́ nyíi ǹíi lâai íyêei. A ísee gâloŋ see-sɛŋ ŋá Eezuɛ, kpɛ́ni fêi, Yâwɛɛ ŋɔwɔ́lɔ-wɔlɔ da wɔ́lɔ-wɔlɔ wɛli-kɛ-maai káa nɔ́ naa Eezuɛ mɛni ma, a í kɛ́ a kâloŋ a gɛ́ɛ í teniŋ-ƃo da tɔ̃yâ laa lɛ́.”

Tɔɔɓɛlaa dɔlɔɔ 10:9 ပူးပေါင်းရင်းမြစ်များ

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Samia Veerɛi 5:12

Nąąlɔwai, Davidə kili ə pu ɉu yɛ kɛ Yai-Laa aa kɛ ɉee kpɔ a tɔɔmun Israɛlə nwun na; ɛlɛɛ aa kɛ nwɔ tɔɔlaai hvaŋą kɛnɛ̨ Israɛlə mąą mɛ̨nį ɓa.

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Tɔɔɓɛlaa dɔlɔɔ 5:7

Nɔi ɲąąwooɓo nuą tii ɓə kɛi Salomɔn gɔ̨nɔ̨n gɛ, da nuąi kpɔ kɛi di yee lɔ kɔ́wɔ tɔ̨nɔ̨ hu. Nɔi ɲąąwoo tii di hvo kɛi nɛɛ laa, Salomɔn hvo hvɛɠɛ a hɛn nɔpee ta.

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Kɔlɔnikɔ Veerɛi 2:11

Gáá Yai-Laa Israɛlə nwɔ Yálái hɛɠɛɛɓoi, yai yələ kɔ́lɔn da lɔ di pɛli, yai aa lon ɉulɔnu kilimąą tɛɛ tɔɔmun Davidə pɔ, giliŋąlaa, yɛ ɉiɛ pələ yɛlɛ kɛ, yɛ ɓo a mɛ̨nį kɔ́lɔnmun; yai gaa pɛlɛ tɔɔi Yai-Laa ɓa, yɛ tɔɔ pɛlɛ́ tɔɔ gbɔwɔ ɓa.

Mąątɛ̨nɛ̨ 18:19

Ɲələi ŋį́ too la, di mą́ą́tinɛ̨n, Kɛlaa, Yai-Laa ə pa ə mą́ą́kpɔnmąąɓo.

Mąątɛ̨nɛ̨ 22:8

Nui lɔpee a gáá, a naakpan ɲąli a ɲą́ą́, diɛ vííɓo, diɛ yɛlɛ, diɛ di nwun gbɛŋɛ̨n, diɛ kɛ mą:

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.