Tɔɔɓɛlaa dɔlɔɔ 1:21 - Yálá laawoo hɛɓɛ (dc)

²¹ Ɓɛlɔwai nwɔ́ mɛ̨nį nąmu tɔɔmun gaa pai laai la nąnni kwɛlɛ, ɲą́ą́ kwa nón Salomɔn ku kaa pai kɛi yɛ hɔn mąą nuą.»

Yálá laawoo hɛɓɛ

²¹ Ɓɛlɔwai nwɔ́ mɛ̨nį nąmu tɔɔmun gaa pai laai la nąnni kwɛlɛ, ɲą́ą́ kwa nón Salomɔn ku kaa pai kɛi yɛ hɔn mąą nuą.»

Bible

²¹ À kɛ̀ ƃa wàla gɛ́ tí, ŋánuu-namui gâloŋ a saa a lì ŋɔnúu pɔlɔ-ŋai pɔ́, da pâi kwa ǹóŋ-surɔŋ Saloma ni kúsiɣêi a sɔnyɔ̂ŋ-ƃela.”

Tɔɔɓɛlaa dɔlɔɔ 1:21 ပူးပေါင်းရင်းမြစ်များ

Zɛnɛse 15:15

Yii ɓaa ə́ wɛi, ə́ kaa pai pɔlɔi a nɛlɛɛ, liilaa hu, ə́ haa, di ə́ loo.

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Tɔɔɓɛlaa dɔlɔɔ 1:12

Yii hu, gáá liɛwoo ta kɛi yɛ́, ə gɛ, ə́ ə́ nwun mąąkɔ̨nwɔ̨, ə mą kɛ ə́ lon Salomɔn.

Tɔɔɓɛlaa dɔlɔɔ 1:20

Yɛ́i ŋɛ̨i a nwɔ́ mɛ̨nį nąmu tɔɔmun, yɛ́ ɓə Israɛlə nuą kəlee wəli tɔɔi ə́ woo ɓa, ə gɛ, nui pai heei a nwɔ́ mɛ̨nį nąmu tɔɔmun mąąhvalin, ə́ naa ɓo.

Tɔɔɓɛlaa dɔlɔɔ 1:22

Ɓɛlɔwai Bɛtsabe ə kɛi nwoo hukulɔ la tɔɔmun ma, nąąlɔwai ɓə Yálá kwəi mɛ̨nį hukulɔ mun Natan ə lɔ la.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 2:15

Adoniasə yɛ mą: «Yɛ́ kpinįi ə́ kili kaa ɉu, ɲą́ą́ ɓə kɛ mąą nɛ̨ɛ̨ ŋą́ kɛ a dɔɔmun, Israɛlə nuą kəlee ɲɛ̨i hiɛ kɛ mą́ą́, ə gɛ, ŋą́ kɛ a dɔɔmun. Kɛlaa, dɔɔlaa aa mą́ą́laa, aa li nə́ɠə Salomɔn pɔ, yili ɓə kɛ a Yai-Laa liiɓa, ə dɛɛ yaa tii bɔ.

Kɔlɔnikɔ Veerɛi 22:10

Gaai Akaziasə nee Atali ə mo, yɛ kɛ, non Akaziasə aa haa; ə gili tee gwəi, yɛ kɛ ə dɔɔkwəlii lonŋąą kəlee paa Ɉuda yəi bɛlɛ́n.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Nwun mąąɓo 9:5

Da diɛni, də li nąn ɲəi bɛlɛ́n Ofra, ə nąn nonnii pow mɛ̨ihveelɛi tii kəlee nwun dee kwɛni tɔ̨nɔ̨ mɛ̨i, ə lɛɛ lɔ a Yotamə yaa tɔ̨nɔ̨, yai kɛ a nąn nonnii nogolo laa mun, mąąhɔlɔɓo, yili ə noo.