Zɔ̂ŋ Maa-ŋuŋ 4:17 - Yálá laawoo hɛɓɛ (dc)

¹⁷ Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Yálá laawoo hɛɓɛ

¹⁷ Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Bible

¹⁷ Bere-sii ŋí su wɛli-kɛ-maa káa kúkponôi a maa waa, a gɛɛ lii-kpele é kɛ́ kúyêei a mɛni-ŋa-tee-ɣelei, kpɛ́ni fêi, berei gáa lai, bere nɔ́ ƃe kúkaa la ǹɔii ŋí su.

Zɔ̂ŋ Maa-ŋuŋ 4:17 ပူးပေါင်းရင်းမြစ်များ

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 11:22

Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Maafîu 11:24

Yili ɓə gaa mą, gáá moi kaa, Yálá nwɔ kiti teei lɔwai Sodomə taa nwɔ gahoi a hviɛlaɓo ə́ wɛi ɓa.»

Maafîu 12:36

Gáá moi kaa, Yálá nwɔ kiti teei lɔwai, nwoo kpɛli-kpɛliɠaai nuą da mo, di hvulú kɔ́wɔ ŋą, da dɛ ɲɛ̨i ɓa kɛ Yálá lííla.

Ɉaan 15:20

Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Ɉaan 17:22

Mąąwiɛi ə́ dɛɛ bɔ́, ŋą́ą́ dɛɛ di pɔ, ə gɛ, di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zĩi 2:22

Yáá gaa tii, nwɔ laa na laa ə too pono ŋą bɔ túwɔ́ hu. Dúwɔ́ pələɠaa tii ɓə nwɔ laa na laa laa kulɔ,

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

Zɔ̂ŋ Maa-ŋuŋ 2:5

Kɛlaa nui a ɲee kąnąn Yálá woo ɓa, a tɛ̨ą, Yálá nwɔ wɛlikɛmąąlaa laa aa kulɔ mąą nu hu, yili hu ɓə gwa gbaɠala kɔlɔn na guɔ, gwa Yálá ni gu kaa ɉu tanɔ̨n.

Zɔ̂ŋ Maa-ŋuŋ 2:6

Nui a kɛ diɛ gaa ɉu, hvo kɛli mąą nu a hiɛ a bələi yaa tii a Jesus ə hiɛ la.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Zɔ̂ŋ Maa-ŋuŋ 4:12

Nui lɔpee ta hvo ta Yálá kaa li. Akɛ gwa gu keeni wɛlila kɛi, akɛ tii Yálá kaa gu hu, ɛlɛɛ, nwɔ wɛlikɛmąąlaai gu hu, naa kulaai.