Zɔ̂ŋ Maa-ŋuŋ 3:20 - Yálá laawoo hɛɓɛ (dc)

²⁰ mąąhɔlɔɓo, gu lii a gu hɔnmo, Yálá kɛnɛ̨i dɛɛ gu lii ɓa, ɛlɛɛ, a mɛ̨nį kəlee hukpɛ.

Yálá laawoo hɛɓɛ

²⁰ mąąhɔlɔɓo, gu lii a gu hɔnmo, Yálá kɛnɛ̨i dɛɛ gu lii ɓa, ɛlɛɛ, a mɛ̨nį kəlee hukpɛ.

Bible

²⁰ tãi kúlii a mɛni lɛ̂ɛ la kûai; kpɛ́ni fêi, Ɣâla kɛ́tɛ̂i é tɛ́ɛ kúlii ma, ǹyaŋ è mɛni kélee kɔ́lɔŋ.

Zɔ̂ŋ Maa-ŋuŋ 3:20 ပူးပေါင်းရင်းမြစ်များ

Zôo 27:6

Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Zôo 33:12

Yili ɓa Ɉobə, ŋą́ kɛ yɛ́ tɛ̨ą hvo ə́ pɔ; mąąhɔlɔɓo, Yálá tɛɛi nu ɓa.

Mąątɛ̨nɛ̨ 90:8

Yáá ku wɔ nɛ̨ŋɛ̨nŋaai laa ə́ ɲɛ̨i mu, yáá ku wɔ loo mɛ̨nįɠaai laa ə́ ɲɛ̨ilai nwɔ kɛɛ pɔ̨nɔ̨i ɓa.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 8:9

Yii kɛa di nwoo tii mɛ̨n di kɛi kulɔ tɛitɛi ə gɔwɔ tɔɔ nu pɔlɔ pɔlɔɠaa diɛ, ə lɛɛ a Jesus yaa tɔ̨nɔ̨ gbən. Nɛ̨ɛ̨nui tii nwɛi, ə lɛɛ laa.

Gɛlaɠaa 5:33

Nwoo taaləi ti mɛ̨n di mo, ə di lííholi kpɔ kɛnɛ̨, di di kiliŋąhiɛ di paa mɛ̨nį ɓa.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Taitɔ 3:11

Ə́ kili kaa ɉu nu taaləi ti, aa həɠə tɛ̨ą pələ mɛ̨i, ɲee yɛ ɓo nɛ̨ŋɛ̨n ɉu, yaa kpinįi lɔ ɓə gbɔwɔ nwun na pilii.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Hebreu 6:13

Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,

Zɔ̂ŋ Maa-ŋuŋ 3:19

Yili hu ɓə, gwa gɔlɔn na, guɔ gu kaa tɛ̨ą hu, ɛlɛɛ, gu kaa pai liilaa hɔlɔɓoi níila,

Zɔ̂ŋ Maa-ŋuŋ 3:21

Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.