Zɔ̂ŋ Maa-ŋuŋ 2:24 - Yálá laawoo hɛɓɛ (dc)

²⁴ Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Yálá laawoo hɛɓɛ

²⁴ Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Bible

²⁴ Mɛnii ká mɛ̀ni gɔ́ɔ pîlanii, tɔɔ é kɛ́ kákponôi. À kɛ̀ mɛnii ká mɛ̀ni gɔ́ɔ pîlanii à kɛ̀ kákponôi, gɛ̀ ní, káa kpîŋ ka pâi kɛ̂i Nòŋ-nuui kponôi da Nàŋ-nuui.

Zɔ̂ŋ Maa-ŋuŋ 2:24 ပူးပေါင်းရင်းမြစ်များ

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Lukə 9:44

«Mɛ̨nį ŋɛ̨i gáá moi kaa, nąą kili ə lɛɛ ka ŋą kpɔ kpaan. Di kaa pai Nu Lon tɛŋɛn gwɛlɛi nuą diɛ.»

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Ɉaan 6:56

Nui a ɉúwɔ mįi, ə gbələ a ŋą́mą, ŋą kɛ mąą nu hu, ɛlɛɛ, yaan yɛ ɓo ɉú.

Ɉaan 8:25

Diɛ Jesus ɓa: «Gbɛɛ ɓaa a yɛ́?» Jesus ə di woo pulu pənə yɛ diɛ: «Yii kpɔ tii ŋą́ mo kaa tɔlɔɔ, ya ɓə gáá la.

Filipə 4:15

Káái a Filipə daai nuą, ka gɔlɔn kaa diɛ: ɓɛlɔwai ŋį́ həɠə la Masedoanə lɔi hu wɛlɛɛ lɛlɛɛ laa həliɛ kɔ́wɔ tɔɔi lɔwai, kaai a Yálá ŋą kpɔn Filipə daai kaa tanɔ̨n gbən lɔ ɓə kaa mą́ą́ kpɔn mąą ɓo, kaa tɔ̨nɔ̨ gbən ɓə kaa yili kɛ.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 2:7

Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Zɔ̂ŋ Maa-ŋuŋ 3:24

Nui a ɲee kąnąn díɓoɠaa tii diɛ, aa ɉeei kulɔ Yálá hu, ɛlɛɛ, Yálá yaa kpɛlimąn aa ɉeei kulɔ ɉu. Yili pɔ pələ ɓə gwa gɔlɔn na, guɔ gaa gu hu, nwɔ Kilii tii ə dɛɛ gu pɔ ɉáálai.

Zɔ̂ŋ Maa-ŋuŋ 4:13

Yili pɔ pələ ɓə, gwa gbaɠala kɔlɔn na guɔ, gu kaa yaa tii ɉu, ɛlɛɛ, yɛ ɓo gu hu: aa nwɔ Kilii tɛɛ gu pɔ.

Zɔ̂ŋ Maa-ŋuŋ 4:15

Nui lɔpee a mo yɛ kɛ: Jesus kaa a Yálá Lon, Yálá kaa mąą nu hu, ɛlɛɛ, yɛ ɓo Yálá hu.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zɔ̂ŋ Veerɛi 1:2

dɛ̨ąi gaa gu hu ɉáálai, ɛlɛɛ, yai pai lɛɛi gu pɔ ɲɛ̨n deei hvo mą;

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

Zɔ̂ŋ Zaaƃai 1:3

Bələi tɛ̨ą mɛ̨nį aa too la pono ɲą, ə́ wɔɔ yɛnɛ̨ɛ̨ kɛ pələ hu, gu nąn nonnii taɠaa di pa ɓɛ, di ə́ mąą kɛla hvaa ɓo, yili ə gwə́inɛ̨ɛ̨ kpɔ kɛnɛ̨; ə́ kaa hiɛi tɛ̨ą kɛɛ pono hu.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.