Korɛntə dɔlɔɔ 9:22 - Yálá laawoo hɛɓɛ (dc)

²² Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Yálá laawoo hɛɓɛ

²² Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Bible

²² À kɛ̀ a vii-kpɛɛ-ƃelai, ŋá ŋ́gbîŋ kɛ̀ a fii-kpɛɛ-nuu a gɛ́ɛ ŋa vii-kpɛɛ-ƃelai líi pene. Ŋa ŋ́gbîŋ kɛ́ a sɛŋ kélee núu kélee mɛni ma a gɛ́ɛ ŋá kɔ́ pere-sii kélee su ŋá ǹúui da-ni ƃálo.

Korɛntə dɔlɔɔ 9:22 ပူးပေါင်းရင်းမြစ်များ

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Lomaŋ 14:1

Nuąi di hvii kpɛɛ laa na pələ mɛ̨i, ka ka yee hee di mu ka hvo di laa pələɓo.

Lomaŋ 14:2

Nu taɠaa di wɔɔ laa na laa a gɛ, diɛ pɛli hɛn gəlee mįi, daɠaa di wɔɔ hvįikpɛɛlaa yɛ gɛ, pɛlɛ́n gɔ̨nɔ̨n nɔ ɓə a mįi.

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Korɛntə dɔlɔɔ 7:16

Yili ɓa nɛ̨ɛ̨nu, ə́ kili hvo ɉu yɛ́ kɛ, yɛ́ ɓə pai ə́ hilɛ nwun mąąɓoi? Hulɔnu, ə́ kili hvo ɉu yɛ́ kɛ, yɛ́ ɓə pai ə́ nɛ̨ą nwun mąąɓoi?

Korɛntə dɔlɔɔ 8:13

Yili ɓə gɛ, a kɛ ŋą́ kɔ̨nɔ̨n da mįi a kɛ a mɛ́lan lan ɉɛn,, vá kpɔ kɛa huwɔ mįi, ə gɛ, və́ pa mɛ́lan nan.

Korɛntə dɔlɔɔ 9:19

Və́ nu ta yee mu, lɛɛ gbɔwɔ ɓa laa kaa ɲə́i, kɛlaa, ŋą́ gbɔ́wɔ́ kɛ a nu kəlee nwɔ luwɔ, ə gɛ, ŋą́ nu tamąą hɔlɔɓo.

Korɛntə dɔlɔɔ 9:23

Ŋą́ yili kəlee kɛ nwɛlɛɛ lɛlɛɛ mąą mɛ̨nį ɓa, gɛ́ pɛli nwɔ́ɔ́ hɔlɔɓoi ɉu.

Korɛntə veelɛ 11:29

Nui a kɛ yɛ vįikpɛɛi, ɲą́ą́ gbɛlimąn vį́ikpɛɛi, nu ta a too nɛ̨ŋɛ̨n ɉu, ɲą́ą́mun mə niikələn gwəi a həli mą́ą́.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?