Korɛntə dɔlɔɔ 8:9 - Yálá laawoo hɛɓɛ (dc)

⁹ Kɛlaa, ka gɛ a nɛlɛɛ, nɛɛ gbɔwɔ ɓa laai tii ka yəi, yili hvo kɛ a ká ɓɛlaai di hvii kpɛɛ, di lan ɉɛn.

Yálá laawoo hɛɓɛ

⁹ Kɛlaa, ka gɛ a nɛlɛɛ, nɛɛ gbɔwɔ ɓa laai tii ka yəi, yili hvo kɛ a ká ɓɛlaai di hvii kpɛɛ, di lan ɉɛn.

Bible

⁹ Mɛnii ka pɔ̂ri gɛ̂i nya ƃa ka kámɛi káa. À wàla kɛ́ ti, gɛ̀ ní káŋuŋ-ma-ƃoi a pâi kɛ̂i a vii-kpɛɛ-ƃelai perêi kpáaŋ-sɛŋ.

Korɛntə dɔlɔɔ 8:9 ပူးပေါင်းရင်းမြစ်များ

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Azaya 57:14

Di kaa pai kɛi diɛi: 'Ka bələ pɛli, 'ka ɲąą kɛnɛ̨, 'ka hɛn gəlee həɠə nwɔ́ nuąi tɛɛ pələ hu.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Levetekɔ 19:14

'Hvó wəli wolomun nalan, 'hvo nu kalin ɉɛn naa ɲɛ̨ipumun dɔwɔ, bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa; Ɲą́ą́ ɓə gáá a Yai-Laa ka wɔ Yálá.

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Korɛntə dɔlɔɔ 10:24

Nu ta hvo kɛ gaa gbɔwɔ tɔ̨nɔ̨ kwɛlii, kɛlaa, ə mɛlaa di wɛi kwɛli.

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.

Korɛntə dɔlɔɔ 10:29

Ká kwəi kili hvə gáá nwɛi ɓoi, kɛlaa, nu takpɛli nwɛi ɓə. Yili ɓa, lə mɛ̨nį ɓa ŋą́ nwɔ́ lɛɛ gbɔwɔlaa lɛɛ laa nu takpɛli yɛ ɉutɔɔ?

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Korɛntə dɔlɔɔ 8:10

Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Korɛntə dɔlɔɔ 8:12

Ka kɛi nɛ̨ŋɛ̨n ɉəɠə tii ka nąn nonnii diɛ, diɛi di wɔ kilitɔɔmąą laa hvo kɛnɛ̨ li, káá di hvįikpɛɛ tii, a kɛ tii, Kristə kpįnįi ka tii ka káá nɛ̨ŋɛ̨n ɉəɠəi mą.

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Korɛntə veelɛ 11:21

Ku ɲɛ̨i paa mɛ̨nį kpɔ-kpɔɔ ka ŋɛ̨i gáá moi, ku ku kpɔwɔ lɛ lɔ yɛ hvįikpɛɛ nuą. Gáá hvaai yɛ ɓowomun, mɛ̨nįi da di kpɔwɔ ɲąą kɛnɛ̨ ɉu, ɲą́ą́ gbɛli ŋą́ gbɔ́wɔ́ ɲąą kɛnɛ̨ lɔ ɉu.

Korɛntə veelɛ 11:29

Nui a kɛ yɛ vįikpɛɛi, ɲą́ą́ gbɛlimąn vį́ikpɛɛi, nu ta a too nɛ̨ŋɛ̨n ɉu, ɲą́ą́mun mə niikələn gwəi a həli mą́ą́.

Korɛntə veelɛ 6:3

Ku hvo kpɛli bɔ kpɔ tiikpə, ku hvo kɛ a nu kɔ́wɔ tuwɔ kwɛni nui lɔpee ta ɓa, ə gɛ, ku wɔ kólói mąą kulɔi hvo pa kɛ mą.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

Piɛrə veelɛ 2:19

Nɛɛ kalan gɛ nuą ti, da lɛɛgbɔɔɓa laa mįnɛ̨ həɠə diɛ. A pa, diɛi ti di kaa a luwɔ pɔlɔ, yii gaa pai di paai. Mąąhɔlɔɓo, hɛn yii ɲee tɛɛ nu ɓa, ə kaa yəi luwɔlaa hu.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.