Korɛntə dɔlɔɔ 7:11 - Yálá laawoo hɛɓɛ (dc)

¹¹ Akɛ da Ɉilɛ daa taɠa, hvo kɛ gaa heei hulɔnu takpɛli nwuɔ̨, kɛlaa, da ɉilɛ di di lɔwai woo ɓo, di hee di kee pɔ. Hulɔnu yaan, mąą hvo nɛ̨ɛ̨li hvo nɛ̨ą kpɛ.

Yálá laawoo hɛɓɛ

¹¹ Akɛ da Ɉilɛ daa taɠa, hvo kɛ gaa heei hulɔnu takpɛli nwuɔ̨, kɛlaa, da ɉilɛ di di lɔwai woo ɓo, di hee di kee pɔ. Hulɔnu yaan, mąą hvo nɛ̨ɛ̨li hvo nɛ̨ą kpɛ.

Bible

¹¹ Kɛ́lɛ à kɛ̀ nɛnî à ŋɔsurɔ̂ŋ lɛ̀ɛ, ǹɛ́lɛɛ̂i nɔ́ é lɛ́ɛ a gòyaŋ, à wàla kɛ́ tí é pá pôlu da ŋɔsurɔ̂ŋ dí díloai kpɛtɛ. Ŋa m̀ôi ŋɔ́nɔ a gɛ́ɛ surɔ̂ŋ fé ŋɔnɛnîi lɛ̂ɛ.

Korɛntə dɔlɔɔ 7:11 ပူးပေါင်းရင်းမြစ်များ

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Maafîu 5:32

Kɛlaa, nwɛ́i gáá moi kaa, nui lɔpee a nɛ̨ą kpɛ, akɛ nɛ̨ą hvo kɛ li a wɛli kɛmun, a kɛ tii a vilɛn wɛli honŋąą ɓa. Nɛ̨ɛ̨nu yii daa gbɛ, nui lɔpee a ɉəɠə a nɛ̨ą, mąą nui kaa a wɛli hon mun.»

Markə 10:12

Pələ lɔ ɓə gaa la; akɛ nɛ̨ɛ̨nu yaa kpɛli a ɉilɛ lɛɛ, ə hee hulɔnu takpɛli pɔ, a kɛ tii, aa kɛ a wɛli hon mun.»

Markə 10:2

Farisiɛ̨ taɠaa di lɛɠɛ mą, əgɛ, di ɉon vaa woo hu. Di mąąni kɛ, diɛ mą: «Akɛti, gu wɔ tɔ́n a pɛli hvaai mą, nu ə nɛ̨ą kpɛ?»

Lukə 16:18

«Hulɔnui lɔpee a nɛ̨ą kpɛ, ə pənə ə nɛ̨ɛ̨nu takpɛli həɠə, a kɛ tii, aa wɛli ɲɔ̨nwɔ̨ɔ̨ hon. Da nɛ̨ɛ̨nu kpɛ, nui nwɔ̨nɔ̨ a ɉəɠə a nɛ̨ą, a kɛ tii, aa wɛli ɲɔ̨nwɔ̨ɔ̨ hon.»

Korɛntə dɔlɔɔ 7:10

Nuąi di hvo a kwɛaɠaa, diɛ ɓə gáá mɛ̨nį ŋɛ̨i moi diɛ, kɛlaa gbɔ́ɔ́ woo hvə li, gu Ną́mu woo li. Gɛ́ diɛ: Nɛ̨ɛ̨nu yii hilɛ kaa mą, hvo ɉilɛ lɛɛ.

Korɛntə dɔlɔɔ 7:12

Yii ŋɛ̨i nwɔ̨nɔ̨ gáá moi, gbɔ́ɔ́ kpįnįi woo li, və́ ɉəɠə li gu Ną́mu la, akɛ kalan non da, nɛ̨ą a wala kɛ a laa na mun, nɛ̨ɛ̨nu a gaa yɛ da ɉulɔnu di kaa lɛɛi di kee ɓa, mąą hvo nɛ̨ɛ̨li ɉulɔnu hvo nɛ̨ą kpɛ.

Dutɛrɔnome 22:19

Daa kalanɉonŋąą da tɔ́n bili mą, ə gbɛɛ a wali kwələ nwun dɔ̨nɔ̨, di dɛɛ nɛ̨ɛ̨non tii nąn bɔ. Mąąhɔlɔɓo, ɉulɔnui tii aa Israɛlə halakpɛla ta laa kala. Nɛ̨ɛ̨nui tii a lɛɛ a nɛ̨ą ɲii hvóló kəlee hu.