Korɛntə dɔlɔɔ 6:9 - Yálá laawoo hɛɓɛ (dc)

⁹ Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Yálá laawoo hɛɓɛ

⁹ Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Bible

⁹ Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Korɛntə dɔlɔɔ 6:9 ပူးပေါင်းရင်းမြစ်များ

Zɛnɛse 19:5

Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Lɛɛ gbɔwɔ ɓa 23:1

«‹Mɛ̨nii hvó nwun gɔlɔn, hvó ɉukulɔ; nui a ɉɔn gɛ, hvó tɔɔ bulu.

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Hanwon 22:8

Nui a hɛlɛn dɛ a hvįikpɛɛ, laanɔ̨nwɔ̨ ɓə a gulɔ. Nwɔ lii pɔ tee laa kɔ́lɔ a haa mą.

Hanwon 7:27

Ɲəi bɛlɛ́ laaləi kaa a kámą la pələ, nąą bələ ɓə haa nuą da tɛɛ la, diɛ li ŋąmuątaa.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Izikiɛ 18:11

Yá pa, nąn və ta da lɔpee kɛ li, hvo lɛɛ li lɔ a yili, yaamun, non tii yɛ haláá kɔnɔ̨nŋaa mįi; yɛ ɉee yɔwɔ nɛ̨ą ɓɛlɛ kpɛɛmą,

Levetekɔ 18:20

«Hvó laa a nɔi lon da nɛ̨ą, yá gɛ tii, tɔ́n a kɛ yɛ́.

Levetekɔ 18:22

«Hvó laa a ə́ ɓɛlan ɉulɔnu, yɛ bələi yá gɛ la a nɛ̨ɛ̨nu, yɛnɛ̨ɛ̨ mąą kalaa li.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Levetekɔ 20:13

«Hulɔnu a laa a mɛlan ɉulɔnu, yɛ bələi a laa la a nɛ̨ɛ̨nu, yɛnɛ̨ɛ̨ həɠə mąą mɛ̨nį ka tii di nu hveelɛi daa gɛ, mąąnɛ̨ɛ̨ di di paa, di ɲąmą wulu a lɛɛ di kpɔwɔ nwuɔ̨.

Zakari 5:3

Ya ɓə a kɛ mą́ą́: «Nɛ̨ŋɛ̨n naa ka tii taɠai nɔi kɔ́lɔ kəlee. «Mɛ̨nįi bɛ̨ɛ̨ bələ tɔ̨nɔ̨, ya ɓaa, di nwuɔ̨mun nɔpee, gəlee kulɔ nɔi hu. Ɛlɛɛ, bələ tɔ̨nɔ̨ yɛ mą: Nui lɔpee a gwɛla a lɛɛ, di gulɔ nɔi hu.»

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Korɛntə dɔlɔɔ 15:50

Yii gɛ́ ŋą́ mo káá, ną́n nonnii, ya ka: Kɔlɔ da ɲąmą di hva pɛli Yálá-taa tɔɔlaa hɔlɔɓoi. Hɛn gɔhɔɓoɔ, hva pɛli hɛn mąąhəɠɛɛ ɉɔlɔɓoi.

Korɛntə dɔlɔɔ 3:16

Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Korɛntə dɔlɔɔ 5:10

Nwɛlikɛ nuąi ɲɛ̨nɛ̨ɛ̨ ŋɛ̨i hu nuą lɔwai, diɛ hvəə gíli hvilɛnŋąąi diɛ, gɛ́ mɛ̨nįi ŋɛ̨i ɓo la, da hɛn nwɛli nuą, nwuɔ̨ nuą, nuąi da kwɛlihvilɛn hali ɓa. Mąąhɔlɔɓo, hvo kɛli lɔ kɛ, ká kulɔ ɲɛ̨nɛ̨ɛ̨ ŋɛ̨i hu.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Korɛntə dɔlɔɔ 6:19

A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Korɛntə dɔlɔɔ 9:24

Ká hvo gɔlɔn káá, nuąi da kɛ hɛn da mąą gilɛ həɠəi, di kəlee da gilɛ həɠə, kɛlaa, nu tɔ̨nɔ̨ lɔ ɓə a ɉɛn tii hɔlɔɓo? 'Ká gilɛ həɠə kan, káá pɛli ká wɔ gilɛi mąą hvɛla hɔlɔɓo.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 6:7

Ká hvo ká kpɔwɔ ɓowo, Yálá hva hvaamą, nu hvo yɛlɛkulɔ ɉu, gbala ə tɔɔ, hɛn nu a ɉin, ya ɓə a dɔlɔ hɔlɔɓo.

Dutɛrɔnome 22:22

Da hulɔnu ta hon, da hilɛtaai nɛ̨ą di ɓo laani, da gəlee hveelɛi paa, ɉulɔnui tii laa a nɛ̨ɛ̨nu, ə mą kɛ nɛ̨ɛ̨nu kpɛli mąn. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 22:5

Mąą hvo nɛ̨ɛ̨li, nɛ̨ɛ̨nu hvo hulɔnu həɠə too gwaną. Hulɔnu yaan, hvo nɛ̨ɛ̨nu hɛnŋąą kɛ mą. Nui lɔpee a dúwɔ́ taaləi tii ta ɓo, yili kaa a mąąliɓi túwɔ́ Yai-Laa ka wɔ Yálái ɲɛ̨i ɓa, yili gɔhɔɓoɔ.

Dutɛrɔnome 23:17

A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Zĩi 1:16

Ną́n nonnii, 'ká hvo ká kpɔwɔ ɓɔwo, nwɛ́likɛmąą nuą.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»