Korɛntə dɔlɔɔ 6:20 - Yálá laawoo hɛɓɛ (dc)

²⁰ Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Yálá laawoo hɛɓɛ

²⁰ Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Bible

²⁰ dí káyà a kásɔ̃ɔ. Mɛni ma ka pá a folo-laa Ɣâla pɔ

Korɛntə dɔlɔɔ 6:20 ပူးပေါင်းရင်းမြစ်များ

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə dɔlɔɔ 7:23

Nu ta aa ká nwun mąąɓo a ɉɔ̨nwɔ̨ kɛnɛ̨, mąą hvo nɛ̨ɛ̨li ka hvo kɛ a nu nwɔ luwɔ.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą