Korɛntə dɔlɔɔ 6:2 - Yálá laawoo hɛɓɛ (dc)

² Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Yálá laawoo hɛɓɛ

² Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Bible

² Káfe gɔ́lɔŋ a gɛ́ɛ Ŋ̀âla-ƃelai da pâi ŋ̀éniɛi ŋɔmɛnii ŋá teêi? À kɛ̀ ka pâi ŋ̀éniɛi ŋɔmɛnii ŋá teêi, pɔ̂ri fe pâi kɛ̂i kâa a gɛ́ɛ ka mɛni-fii-kpɛɛ-ŋai kélee ŋá tee.

Korɛntə dɔlɔɔ 6:2 ပူးပေါင်းရင်းမြစ်များ

Mąątɛ̨nɛ̨ 49:14

Nuąi da di kilitɔɔ diɛ, bələ ɓə di tínąą kaa la, a diɛi da di wəli tɔɔ di hvaa woo ɓa, diɛ di mąątɛ̨nɛ̨.

Danîa 7:18

Kɛlaa, Yálá Yii Gaa Hɛn Gəlee Nwun Mɛi, nonnii kaa pai tɔɔlaa həɠəi, di wɔ tɔɔlaai kpɛɛ hva kɛ ma.»

Danîa 7:22

ə lɛɛ la ɉu, ɉulɔgolo pɔlɔ-pɔlɔ tii ə pa, Yálá yii gaa hɛn gəlee nwun mɛ̨i, ə nwɔ nuą da mįnɛ̨i tii ni, di lɔwai tɔɔ. Nąąlɔwai tii hu ɓə, Yálá nwɔ nuą di dɔɔlaa həɠə la.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Lomaŋ 6:16

Ka hvo gɔlɔn kaa diɛ akɛ ya kɛi tiɓo kɛ nu ɓa ə gɛ ə́ nwoo hon, ə́ kaa ɲəi yɛ luwɔ. Yili ɓaa yɛ: Nɛŋɛ̨n yii a nu lɔ haa hu, a wala kɛti, Yálá woo honŋąa yɛnɛ̨ɛ̨ kpɛɛ hvo mą a nu lɔ tələnmo laa hu.

Korɛntə dɔlɔɔ 1:20

Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 6:4

Yaan, akɛ mɛ̨nį ta a kɛ ka lɔwai, lə mɛ̨nį ɓa nuąi di hvo mɛ̨nį ta kɔ́lɔn yɛ hvilɛn na gbɔn ɓa, káá di kɛ a ka wɔ kiti tee nuą?

Korɛntə veelɛ 4:18

Ku wɛi, mɛ̨nįɠaai kaa kaa diɛ, ku hvo di pulu, kɛlaa yiiɠaai hva kaa, diɛ ɓə kwa gwɛli, yiiɠaai kaa kaa diɛ, hvoló tɔ̨nɔ̨ mɛ̨nįɠaa lɔ li, kɛlaa Yii kaa hvo mą, kpɛɛ hvo diɛ.

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.