Korɛntə dɔlɔɔ 6:19 - Yálá laawoo hɛɓɛ (dc)

¹⁹ A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Yálá laawoo hɛɓɛ

¹⁹ A wala kɛ tii, ka hvo gɔlɔn káá: ka káá a Nįį-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Bible

¹⁹ Káfe gɔ́lɔŋ a gɛ́ɛ kákponôi káa a Ɣâla-pɛrɛ M̀ɔlêŋ Maa Waai mɛni ma kákponôi, nyíi ka zɔlɔ ƃô Ɣâla yêei? Kápɔɔ fa káa kpîŋ;

Korɛntə dɔlɔɔ 6:19 ပူးပေါင်းရင်းမြစ်များ

Tɔɔɓɛlaa dɔlɔɔ 20:4

Israɛlə tɔɔmun ə bulu pənə yɛ mą: «Bələi kpɔlɔɔ tii ə́ mo la, bələ ɓə gaa la nwɔ́ mɛ̨nį nąmu, ɲą́ą́ kwa ɲə́i hɛnŋąą kəlee, ku kaa ə́ wɔɔ.»

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Ɉaan 2:21

Kɛlaa, Yálá hee pɛlɛ́i Jesus ə kɛi mąą mɛ̨nį ɓo, ya ɓaa kɛ a gbinį.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 3:16

Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə dɔlɔɔ 6:13

«Kɔ̨nɔ̨n gaa a koo lon nwɔɔ, koo lon yaan, kɔ̨nɔ̨n mɛ̨nį ɓə gaa la nu ɓa.» Tɛ̨ą li, kɛlaa, koo lon da kɔ̨nɔ̨n, gəlee kaa a kala hɛn Yálá ɲɛ̨i ɓa. Kɛlaa, nu kpįnį nwɛi, hvo a túwɔ́ pələ ɲɔ̨n gulɔ nwɔɔ, nu kpįnį kaa a gu Nąmu nwɔɔ, gu Ną́mu yɛ ɓo a nu kpįnį nwɔɔ.

Korɛntə dɔlɔɔ 6:3

Ká hvo gɔlɔn kaa diɛ, guɔ ɓə pai malakaɠaa kiti teei, gu hvo mun kɛ ɲɛ̨nɛ̨ɛ̨ ŋɛ̨i hu mɛ̨nįɠaa?

Korɛntə veelɛ 5:15

Ɛlɛɛ, ə nu kəlee pulu haa ɓo, ə gɛ, nuąi di hvulú kɔwɔ ɲą, di hvo yɛnɛ̨ɛ̨ kɛ a di kpɔwɔ mąą mɛ̨nį, kɛlaa, di yɛnɛ̨ɛ̨ kɛ nui haa ə nwun, mąą mɛ̨nį ɓa.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.