Korɛntə dɔlɔɔ 6:11 - Yálá laawoo hɛɓɛ (dc)

¹¹ Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Yálá laawoo hɛɓɛ

¹¹ Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Nįį háálai.

Bible

¹¹ Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Korɛntə dɔlɔɔ 6:11 ပူးပေါင်းရင်းမြစ်များ

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Azaya 45:25

Yai-Laa haalai, Israɛlə huwu kəlee mąąhvaa kaa pai lɛɛi, di kaa pai di kwəinɛ̨ɛ̨i.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Levetekɔ 14:48

«Kɛlaa ɉaláá laa həli mun a lɔ a nąą mąąkpɛɛ, ɉɛn tii pɔɔ hu a wala kɛnɛ̨ bɛlɛ́ ɓa, bɛlɛ́ tɛɛ pulu, a mo yɛ tɔ́n və bɛlɛ́ ɓa. Mąąhɔlɔɓo, ɲɔ̨n tii kɛ bɛlɛ́ ɓa aa kpɛɛ.

Levetekɔ 8:6

Moisə ə Aarɔn tɔɔ da nonnii, ə di waa a ya.

Maafîu 20:4

Ə mo yiliɠaa diɛ yɛ diɛ: ‹Ka pa kaa kpɛli ka li ɲéi ɲɛa; yii bɛliɛi hvóló tɔ̨nɔ̨ hala ɓa, ŋį́ dɛɛ ka pɔ.›

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Ɉaan 13:10

Jesus yɛ mą: «Nui a nwaa, di hva pənə di hvo nwaa, mąąhɔlɔɓo, mąąhəɠɛɛi, gɔwɔ lɔ ɓə da waa. Ka mąąhəɠɛɛi, kɛlaa nu kəlee hvəə.»

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.

Gɛlaɠaa 13:39

Jesus háálai, nui lɔpee a mąą mɛ̨nį kaa a tɛ̨ą, mąą nu a dələnmolaai ti hɔlɔɓo, yɛ pɛli ɉu.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lomaŋ 3:24

Kɛlaa, Yálá nwɔ mɛ̨inɛ̨ɛ̨ hu, aa di kɛ a tələnmo nuą yaa kpinįi ɲɛ̨i ɓa Jesus Kristə háálai, yai di nwun mąąɓo ə di kulɔ nɛ̨ŋɛ̨n ɲəi.

Lomaŋ 4:5

Kɛlaa yaamun, nɛ̨ŋɛ̨n ɉəɠəmun a laa nui a mɛ̨nį ɲɔ̨n gɛmun mąąhvaalɛɛ na, nwɔ laa na laa ti a gɛ a tələnmomun.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:9

Ɛlɛɛ, yiihui ŋɛ̨i, aa gu mąąhəɠə la a ɲąmą, gu hvomun təɠa kɛ yii ŋɛ̨i kɛa, gaa pai gu nwun mąąɓoi la Yálá nwɔ lííholi yəi.

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Lomaŋ 8:33

Nuąi Ə di həɠə ɉu, gbɛɛ ɓə a pɛli hɔn moi? Mąą nu hvo mą. Yálá ɓə di kɛ a tələnmo nuą.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 3:11

Yaan gaa a tɛ̨ą, nu hva pɛli kɛi a tələnmomun Yálá ɲɛ̨i ɓa, dɔ́n tii ɉáálai. Mąąhɔlɔɓo, tələnmomun a yɛnɛ̨ɛ̨ kɛ laa na laa háálai.

Galatə 3:24

Yili mąą mɛ̨nį ɓa, dɔ́n ə kɛ a gu mɛ̨ikaamun, guɔ Kristə mąąkpɔn na; guɔ pɛli tələnmolaa hɔlɔɓoi laa na laa háálai.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Zɔ̂ŋ Maa-ŋuŋ 2:12

Nónii pɛlɛɛɠaa, gáá ɉɛɓɛ́ ŋɛ̨i tɛɛ káá, ká wɔɔ nɛ̨ŋɛ̨nŋaa mąąhvaa aa lɛɛ Jesus laa mąą mɛ̨nį ɓa.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.