Korɛntə dɔlɔɔ 6:10 - Yálá laawoo hɛɓɛ (dc)

¹⁰ ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Yálá laawoo hɛɓɛ

¹⁰ ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Bible

¹⁰ kpaa máŋ ŋuma-ƃela, kpaa máŋ sɛŋ-wɛli-ƃela, kpaa máŋ lɔɔ-kpele-ƃela, kpaa máŋ diai da lôno núu mai, kpaa máŋ sɛŋ kula-yeei kɛ-ƃela, Ɣâla ŋɔkâloŋ-laai fe pâi kɛ̂i a dípɔɔ.

Korɛntə dɔlɔɔ 6:10 ပူးပေါင်းရင်းမြစ်များ

Hanwon 7:27

Ɲəi bɛlɛ́ laaləi kaa a kámą la pələ, nąą bələ ɓə haa nuą da tɛɛ la, diɛ li ŋąmuątaa.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Ɉeremi 7:11

Bɛlɛi ŋɛ̨i naa kwɛlan mɔ̨ɔ̨ mą́ą́, ka káá gaai yɛ nwuɔ̨ nuą mąą kilɛi? Ka mą wala hvaa mą, nwɛi gáá kpɔ kaa tii ka kwəi pələ. Yai-Laa woo li.

Izikiɛ 22:13

«Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Maafîu 21:19

Jesus ə ɓɔɔlaa wulu ta kaa bələ kwɛlɛ, ə lɛɠɛɛ mą, kɛlaa hvo mą kaa ɉu, naa lɔ ɓə kɛ ɲąąnɛ̨ɛ̨ mą. Ə nwului tii nɛ̨ŋɛ̨n naa yɛ mą: «Hva kpɔ kɛa ɓa tɔ̨nɔ̨ kpɛli!» Mɔɔlaa wului tii ə kpala kpɔlɔ tii ɲąąɓa.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Ɉaan 12:6

Yee hvowolo nuą mąą liihɛlɛn hvo kɛ mą, yɛ yili ɓo. Ə kɛi mo tii mąąhɔlɔɓo, nwuąi kɛ, ɛlɛɛ, ya ɓa nwali ɓíi ə kɛ ɲəi; yii nwɔ̨nɔ̨ kɛi hɔlɔɓo, yɛ ɲee mąą laa yɛ ɉəɠə.

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Korɛntə dɔlɔɔ 15:50

Yii gɛ́ ŋą́ mo káá, ną́n nonnii, ya ka: Kɔlɔ da ɲąmą di hva pɛli Yálá-taa tɔɔlaa hɔlɔɓoi. Hɛn gɔhɔɓoɔ, hva pɛli hɛn mąąhəɠɛɛ ɉɔlɔɓoi.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Piɛrə dɔlɔɔ 4:15

Gɛ́ ka ta lɔpee hvo mɔ̨nɔ̨ mįi, mąąhɔlɔɓo, aa nu paa, a wala kɛ ti, aa nwuɔ̨ kɛ, awala kɛ ti, mɛ̨nį ɲɔ̨n nɔpee ta mąą mɛ̨nį ɓa, a wala kɛ ti, diɛ kɛ mą: aa naa lɔ nu ta mąą mɛ̨nį hu.