Korɛntə dɔlɔɔ 5:8 - Yálá laawoo hɛɓɛ (dc)

⁸ Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Yálá laawoo hɛɓɛ

⁸ Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Bible

⁸ Mɛni ma kwaa ku gúui kɛ́ kúfe gɛ a gbólo-tɛ-sɛŋ pɔlɔi nyíi gáa a mɛni nyɔ́mɔɔ da lii-ŋwana, kɛ́lɛ, ku gɛ́ a dɛ-sɛŋ-fe-zu-kpoloi nyíi gáa a tenîŋ-ƃo-laa da tɔ̃yâ-laai.

Korɛntə dɔlɔɔ 5:8 ပူးပေါင်းရင်းမြစ်များ

Mąątɛ̨nɛ̨ 32:2

Nui Yai-Laa hva ɉɔn gaa mą, mąą nu nwu na nɛ̨ɛ̨i ɓə, ɛlɛɛ yaan, nwɔ kiliŋąhiɛ hva li hvulu mɛ̨nį pɔ.

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Lɛɛ gbɔwɔ ɓa 12:19

«Hvóló mɛ̨ihveelɛ yee mu, lɛɠɛ tɛ hɛn da hvo kɛ ka yəi bɛlɛ́n, nui lɔpee a kɔ̨nɔ̨n da mįi lɛɠɛ tɛ hɛn ə ɓo ɉu, da naa kulɔ Israɛlə lonnii laa pɔ; ə kɛ a Israɛlə lonnii ta, ə kɛ a nwɛ̨ą.

Lɛɛ gbɔwɔ ɓa 12:8

«Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Lɛɛ gbɔwɔ ɓa 13:6

Hvóló mɛ̨ihveelɛ yee mu, lɛɠɛ yii dɛ hɛn və ɉu, ya ɓə ka kɛ mįi. Voló mɛ̨ihveelɛ yələ, ka yili pu a hɛli Yai-Laa laa hu.

Lɛɛ gbɔwɔ ɓa 13:7

Volóɠaai ti hu ka wɔ lɔi nąą kəlee piliɛ gee mɛ̨i, mąą hvo nɛ̨ɛ̨li lɛɠɛ yii dɛ hɛn gaa ɉu hvo kɛ ka yəi, ə mą kɛ, lɛɠɛ tɛ hɛn.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Levetekɔ 23:6

«Ɲąnin tii nwɔ hvóló pow kɔ́w lɔɔli yələ ɓə gaa a lɛɠɛi dɛ hɛn və ɉu nwɔ hɛli, Yai-Laa nwɔ li. Hvóló mɛ̨ihveelɛ yee mu lɛɠɛi dɛ hɛn və ɉu, ya ɓə ka mįi.

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Maafîu 16:6

Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Korɛntə dɔlɔɔ 5:6

Mɛ̨nįi tii ka káá ka kpɔwɔ ɲąąkɛnɛ̨i ɉu, hvo lɛlɛ li, ka hvo gɔlɔn kaa diɛ: «Lɛɠɛi dɛ hɛn nogolo a pɛli ə lɛɠɛ kpɔlɔ kɛnɛ̨ tɛ?»

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.