Korɛntə dɔlɔɔ 4:4 - Yálá laawoo hɛɓɛ (dc)

⁴ A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Yálá laawoo hɛɓɛ

⁴ A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Bible

⁴ Kpɛ́ni fêi, fe mɛni da kélee kɔlɔŋ e pîlaŋ ŋ́gbîŋ ma. Kɛ́lɛ, zu-kulai fa a gɛ́ɛ ḿaa waâi, kɛ́lɛ, ǹúui a ḿaa-mɛni ŋa tèei, ǹyaa ƃa Kúnuu-namui.

Korɛntə dɔlɔɔ 4:4 ပူးပေါင်းရင်းမြစ်များ

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Zôo 27:6

Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Zôo 40:4

Lə kɛ hɛn mąą ɲą́ą́, yaai ŋą́ ə́ woo pulu pənə? Ŋą́ą́ ɲéé pɛlɛ ná, və́ kɛa hvaai.

Zôo 9:20

Ŋą́ kɛ diɛ gáá a tɛ̨ą Nąmu, nááləi hva tɔɔ búlu. Ŋą́ kɛ diɛ ɉɔ́n və ɉu, a ɉɔ́n nɛ.

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Mąątɛ̨nɛ̨ 26:12

Gɔ́wɔ kaa pələ hąŋąą mɛ̨i, Yai-Laa, gáá pai kɛi ə́ laa tɛi ɲąąkpɔnŋaa hu.

Mąątɛ̨nɛ̨ 50:6

Yələkɔlɔn gaa nwɔ tələnmolaa loloɓoi, Yálá ɓə a kiti teemun.

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.

Hanwon 29:26

Nu tamąą da kɛ di nɛ̨ɛ̨i gwɛlii nwun nąmu yəi, Kɛlaa, Yai-Laa ɓə a nu tɛi tɛi nwɔ tɛ̨ą mɛ̨nį ɲɛ̨i kulɔi.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Lomaŋ 2:13

Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Lomaŋ 4:2

Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.

Korɛntə dɔlɔɔ 4:3

Nwɛ́i, ə mą kɛ kaa náá ɲɔ̨nwɔ̨ɔ̨ ɓo, a wala kɛ tii, nu kanŋaa di mą́ą́ mɛ̨nį hutɔɔ a ɲɔ̨nwɔ̨ɔ̨, yili niihɛlɛn və́ mą́ą́; ɲą́ą́ gbinįi vá kpɛli pɛli gbɔ́wɔ́ kiti teei.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.