Korɛntə dɔlɔɔ 4:15 - Yálá laawoo hɛɓɛ (dc)

¹⁵ Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Yálá laawoo hɛɓɛ

¹⁵ Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Bible

¹⁵ Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sârai.

Korɛntə dɔlɔɔ 4:15 ပူးပေါင်းရင်းမြစ်များ

Lonon mo 11:12

Akɛti, ɲą́ą́ ɓə mɔ̨ɔ̨ nuą ŋɛ̨i kəlee mąą koo həɠə? Ɲą́ą́ ɓə mɔ̨ɔ̨ di kaa a lon diɛ kɛ yɛnɛ̨ɛ̨? Yaai ə́ kaa kɛi mą́ą́: ‹Di laa ə́ yee kɔ́nwɔ̨n ɉu, yɛ bələi kɔ̨nwɔ̨lee a non ɉon na, ə́ bɛlɛ ə́ lii pɔ.› Yɛ́ kɛ diɛ, di lɛɛ tii ɲə́i ə lɛɛ ɉu kwəli ɓɛi ə́ nąą laakwɛlanmo di nąnni diɛ.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 3:6

Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Korɛntə dɔlɔɔ 9:12

Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Korɛntə dɔlɔɔ 9:14

Bələ lɔ ɓə gu Ną́mu ə niɛwoo kɛ la yɛ diɛ: Nwɛlɛɛ lɛlɛɛ laa həli nuą kɔ̨nɔ̨n a kulɔ nwɛlɛɛ lɛlɛɛ hu.

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Korɛntə dɔlɔɔ 9:18

Və́la ɓaa kan a lə? Və́la ɓaa, nwɛlɛɛ lɛlɛɛi gáá naa həli, ŋį́ gɛ a mɛ̨inɛ̨ɛ̨, ə mą kɛ yii mąąnɛ̨ɛ̨ kɛ ŋą́ ɉɔlɔɓo nwɛlɛɛ lɛlɛɛ laa həliɛ hu, və́ Ɉɔlɔɓo li.

Korɛntə dɔlɔɔ 9:23

Ŋą́ yili kəlee kɛ nwɛlɛɛ lɛlɛɛ mąą mɛ̨nį ɓa, gɛ́ pɛli nwɔ́ɔ́ hɔlɔɓoi ɉu.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Galatə 3:24

Yili mąą mɛ̨nį ɓa, dɔ́n ə kɛ a gu mɛ̨ikaamun, guɔ Kristə mąąkpɔn na; guɔ pɛli tələnmolaa hɔlɔɓoi laa na laa háálai.

Galatə 3:25

Kɛlaa, yii kɛa laa na laa ə pa, gu hvo kɛa gu mɛ̨ikaa tɔ́n tii yee kɔnma.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Filemɔn 1:19

Ɲą́ą́ gbíní ɓə nwooɠaa ŋɛ̨i pɛ̨ɛ̨ a ɲéé, gɛ́, ŋą́ ɉɛnŋąą ti kəlee pɔɔi kulɔ ɉu. Ə mą kɛ və́ ə kili puli ɉu, ə́ gɔlɔn gbɔ yɛ nwɔ́ kwələ kaa yɛ́, mąąnɛ̨ɛ̨ ə́ gulɔ: Ya ɓaa ə́ ə́ wɔ yɛnɛ̨ɛ̨ tɛɛ bɔ́.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.