Korɛntə dɔlɔɔ 4:1 - Yálá laawoo hɛɓɛ (dc)

¹ Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Yálá laawoo hɛɓɛ

¹ Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Bible

¹ Tɔɔ núu e gíli ŋá sía é pîlaŋ kûa yɛ̂ɛ Kôrai yée-mu-ƃela da Ɣâla ŋɔkili-ŋa-tɛi mɛni-ŋai mɛi-ƃela.

Korɛntə dɔlɔɔ 4:1 ပူးပေါင်းရင်းမြစ်များ

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Korɛntə dɔlɔɔ 3:5

Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 12:6

Ee! Ŋą́ kɛ kpɔ bɔ ŋą́ gbɔ́wɔ́ ɲąą kɛnɛ̨i, hva kpɛli kɛ a ɓowo mɛ̨nį, a kɛ kpɔ a tɛ̨ą; kɛlaa, ŋą́ gbɔ́wɔ́ huhon, ə gɛ nuą di hvo pa nəi mą́ą́ mɛ̨nį kɛnɛ̨, di hvo dɛɛ yii di kaa gaai ɲéé pɔ, mą; awala kɛ tii, dɛɛ yii di kaa mɛ̨n ɉii ná mą.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote dɔlɔɔ 3:6

Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Timote dɔlɔɔ 3:9

Mąąnɛ̨ɛ̨ di kanąn laa na laa ŋą tɛ̨ą ɓa a kili lɛlɛɛ.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.