Korɛntə dɔlɔɔ 3:5 - Yálá laawoo hɛɓɛ (dc)

⁵ Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Yálá laawoo hɛɓɛ

⁵ Gbɛɛ ɓaa a Apɔlɔsə? Gbɛɛ ɓaa a Polə? Di kaa lɔ a tínuąi, diɛi pa a káá laa na la pələ mɛ̨i. Di tɛitɛi di di wɔɔ mąątí kɛ, yɛ bələ gu Nąmu ə mąąlaa tɛɛ la di pɔ.

Bible

⁵ Gbɛ̂ɛ ŋaŋ ƃa Apolo? Gbɛ̂ɛ ƃa Pɔ̂ɔ? Díkaa nɔ́ a yée-mu-ƃela nyíi-ŋai kálaa-la sɔlɔ ƃô dísârai, yɛ̂ɛ berei Kúnuu-namui e tíi tɛɛ la dípɔ tɛi-tɛi.

Korɛntə dɔlɔɔ 3:5 ပူးပေါင်းရင်းမြစ်များ

Maafîu 25:15

Ə wali kwələ lɔɔli həɠə ə dɛɛ dɔlɔɔ pɔ, ə hveelɛ həɠə ə dɛɛ veelɛ nąn pɔ, ə li ə tɔ̨nɔ̨n həɠə ə dɛɛ ɉaaɓa nąn pɔ. Ə dɛɛ di pɔ yɛ pələi di wɔ hvaŋą lɔ laa kaa la. Yili pulu ə li hiɛ ɓa.

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Gɛlaɠaa 18:24

Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 16:12

Yii ɓaa ną́n non Apɔlɔsə nwɛi, ŋą́ kɛ vaŋąlɔi a yələ kəlee, ə gɛ, ə pa ka pɔɔli, da gu nąn nonnii takpɛliɠaa, kɛlaa, hvo bɔ ni hvo pa laa yiihu. A lɔwai hɔlɔɓo, gaa pai həlii laa ka pɔɔli.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Korɛntə dɔlɔɔ 3:7

Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Korɛntə dɔlɔɔ 9:17

Akɛ gáá gɛi gbɔ́wɔ́ ɓa, ŋą́ li və́la mɛ̨nį ɓo, kɛlaa, akɛ di dí la, yili kaa a nwuɔ́ tiɛ̨.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Korɛntə veelɛ 5:18

Yili kəlee ə həɠə Yálá pɔ, yai gwa diɛni gu lɔwai pɔnnaa kulɔ, a Kristə, ə gu yee lɔ geei; ɛlɛɛ, ə ɲee lɔ geei kólói tii lɛɛ gu yəi.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Ifisiɛŋ 3:7

Yálá ŋą lii nɛ̨ɛ̨ gwəi laa hu, aa gɛ́ a nwɛlɛɛ lɛlɛɛ tii ŋą tímun, a mɛ̨inɛ̨ɛ̨, ŋą huwalawalalaa háálai.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:25

ŋą́ kɛ a ŋą tímun, yɛ bələi, Yálá ə mąą laa tɛɛ la bɔ́, ká mąą mɛ̨nį ɓa; ə gɛ, ŋą́ Yálá laa woo laa həli mɛ̨nį laa kulɔ,

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.