Korɛntə dɔlɔɔ 3:19 - Yálá laawoo hɛɓɛ (dc)

¹⁹ Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Yálá laawoo hɛɓɛ

¹⁹ Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Bible

¹⁹ Kpɛ́ni fêi, ŋ̀éniɛi ŋí su-tarei káa a ƃoo Ɣâla ŋɛi. Kpɛ́ni fêi, bɔ̃yɛɛ̂i, “Ɣâla a dáre-ƃelai sôŋ díwôya-perei ma,”

Korɛntə dɔlɔɔ 3:19 ပူးပေါင်းရင်းမြစ်များ

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Samia Veerɛi 16:23

Liɛwooɠaai Ahitofɛlə ə kɛi gɛ nąąlɔwai, di kɛi di wəli tɔɔ gəlee ɓa yɛ Yálá lawoo. Ə ma kpɛli kɛ Absalɔn ɲɛ̨i ɓa, yɛ pələi Ahitofɛlə hvaa woo ə kɛ la Davidə ɲɛ̨i ɓa, yɛ Yálá lawoo.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Mąątɛ̨nɛ̨ 141:10

Nuąi di hvo ə́ kɔ́lɔn, di kaa pai kɔ́i la, a di kpɔ kpɔɔ ɓaalə, ɲą́ą́ nwɛ́i, gɛ́ nwɔ́ li ɓo.

Lɛɛ gbɔwɔ ɓa 1:10

Ka gu kpaalə ta kwɛli, gu tɛɛ la, di kpulu ta hvo kɛa pɛlɛ mą, ə gɛ, kɔ́ a tee, di hvo pa too gu yowoɠaa pɔ, di hvo kɔ́ pɛlɛ guɔ, di hvo kulɔ ɓɛ nɔi.»

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Korɛntə dɔlɔɔ 4:6

Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.